ELAk Metro Bilbaoko zuzendaritzak eta CCOO, Semaf, LAB, Egie eta ESK sindikatuek adostutako testuaren aurkako botoa eskatuko du; izan ere, hitzarmen hori onartuz gero, plantilla pobretu egingo da (ez du KPIa bermatzen) eta, gainera, aldarrikapen ugariri uko egingo zaie.
Ildo horretan, ELAk gogorarazi du LABek Metro Bilbaoko zuzendaritzarekin akordio horrekin bat egiteko hartutako erabakiak gehiengo urria baina nahikoa ematen duela hitzarmena eraginkortasun orokorrekoa izateko eta, beraz, deitutako lanuzteak bertan behera uzteko. Horrela, LABek Metro Bilbaorekin lan-baldintzak eta bizi-baldintzak defendatzeko prest zegoen plantilla desmobilizatzen lagundu egin du.