Zamudioko langileek, konpainiaren bulegoak eta egoitza soziala ere bertan daudelarik, bi orduko kontzentrazioa egin dute, 13: 00etatik 15: 00etara, lantegiko txanda-aldaketekin bat etorriz, kaleratzeak gaitzesteko eta lantegi horretarako negoziazio-mahai propioa eskatzeko, beren etorkizuna estatu mailako negoziazio-mahai batean erabakitzea baztertuz.

Mobilizazio horiek irailaren 12an, larunbatean, amaituko dira, Bilbon egingo den manifestazioarekin. Manifestazioa eguerdiko 12: 00etan abiatuko da Eusko Jaurlaritzaren egoitzatik, eta Bizkaiko Foru Aldundiaren aurrean amaituko da. Helburua euskal erakundeen inplikazioa eskatzea da Zamudioko lantegiaren etorkizunean.

ELAren iritziz, ITP erakundeek "mimatutako" enpresa izan da, eta orain ezin dute beren erantzukizuna saihestu, multinazionalak Zamudioko langileei bizkarra eman nahi dienean, kaleratzeen bidez, eta estatu mailako negoziazioak bultzatuz, lan-harremanen euskal esparrua errespetatu gabe.