Ekimenaren bultzatzaileek Euskal Herrian ere jasaten ari garen eraso kapitalistari erantzun bat ematearen beharra azpimarratu dute. Bizitzaren, guztion ongizatearen eta burujabetasunaren alde herri mobilizazio koordinatu eta artikulatu bat ematea da helburua. Horretarako lau ardatz edo lan-ildo aipatu dituzte: enpresa transnazionalak; pribatizatutako politika publikoak eta korporazioen aldekoak; merkataritza itunak; kapitala defendatzen duten estatuz gaindiko erakundeak.