Gaur ehungintzako eta oinetakoen merkataritzako sektoreko langileak grebara atera dira Hego Euskal Herrian probintzietako hitzarmenak aplikatzen jarrai dezaten aldarrikatzeko.

Ehungintzaren sektoreko marka handiek osatutako ARTE patronalak (Inditex, H&M, Mango, Tendam, Retail, Kiabi eta Primark, besteak beste) ehungintzaren eta oinetakoen merkataritzako marka handien estatu mailako lehen hitzarmenaren negoziazioa sustatu zuen 2023ko uztailean. Harrezkero, hainbat negoziazio bilera egin dira, eta ELAk Hego Euskal Herria negoziazio eremu horretatik kanpo uztea eskatu du bilera guztietan. Gainera, orain arte bost greba egun egin dira, eta Hego Euskal Herriko sektoreko denda asko itxi egin dira greba deialdi hauen ondorioz.

Sektoreko marka handietako langile askok enpresa aldetik greba ez egiteko presioak jaso badituzte ere, kalera atera dira eta grebaren jarraipena oso zabala izan da seigarren greba egun honetan. Aldarrikapena greba honetan argia da, ARTEri Estatu mailako hitzarmen hau ez aplikatzeko eskatzen diote. Jarraipena zabala izan da, batez ere Gipuzkoan, kate dendak itxi baitira, hala nola Stradivarius, Parfoiseko ia denda guztiak, Woman Secreteko hainbat denda, Tezeniseko hainbat denda, Intimissimi, Desigual, Guess eta Pepe Jeans. H&M bezalako dendetan ere itxiera partzialak izan dira. Gainera, Primark edo Massimo Dutti bezalako denda handietan ere jarraipen handia izan da. Beste probintzia batzuetan ere itxierak izan dira, baita H&M, New Yorker edo Woman Secret-en ere.

ARTE patronalak hitzarmen estatala hiru lurraldetan ezartzekotan, sektoreko langileek greben eta borrokaren bidez lortutako lan baldintzak jokoan egoteaz gain, hitzarmen probintzialen negoziazioa bera ere arriskuan dago. Beraz, langileak irmo daude eta mobilizazioekin aurrera jarraituko dute ARTE patronalak Estatuko hitzarmenetik kanpo uzten dituen arte.