ELAk kezkaz ikusten du Bizkaiko anbulantzia zerbitzua enpresa berri bati esleitzeko prozesua, orain Bizkanb ABEEaren esku dagoena, 2024aren amaieran Grup La Pau Scclek alde egin ondoren (enpresa horrek, langile guztiekin milioi bat euro inguruko zorrak ez ezik, foru ogasunarekin ere utzi zituen, 800.000 €-tik gorako zenbatekoarekin). ELAk adierazi du egungo enpresak La Pau enpresaren molde bera jarraitzen duela: langileekin zorrak ditu eta zerbitzuaren kudeaketa oso txarra da.

Bizkanb ABEE enpresak behin baino gehiagotan urratu ditu paziente kutsakorren protokoloak, eta homologatuta ez dauden beste helburu baterako erabili nahi izan dituzte anbulantziak (larrialdiak anbulantzia kolektiboetan, adibidez, gutxieneko dotaziorik gabe), dagokion errege dekretua betez gero erraz konpondu daitezkeen atzerapenak metatuaraziz.

Era berean, Bizkanb ABEEk uko egin zion langileen osasuna babesteko azterketa ergonomikoa aplikatzeari. Aurreko enpresakoa zela argudiatu du, eta nahiz eta astean batez beste 3-4 lan istripu izan, azterketa ergonomiko hori ez betetzen. Gainera, sindikatuen eta laneko arriskuen prebentzioko ordezkarien lana etengabe boikotatzen saiatu dira.

Hori guztia zuzendaritza kargu gehiago izendatu dituztenean: 50 pertsona aritu dira zuzendaritza lanetan anbulantzien premiazkoak ez diren garraioko 460 langilerentzat. Eta, gainera, behar baino anbulantzia gutxiagorekin: atzeratu daitezkeen larrialdietarako eta asaldatutako pazienteak ospitaleratzeko hiru anbulantzia behar ziren arren, bakarra dago eta 09:00-21:00h artean gutxieneko langile kopuruarekin.

ELAk salatu du UTE Bizkanb enpresak irabaziak besterik ez dituela egin diru publikoarekin, eta hori baliatu du Sanir enpresa Bizkaian martxan jartzeko. Horregatik, lizitazio berri baten atarian, ELAk exijitu du zerbitzua ez dela pribatuetan egon behar, baizik eta Eusko Jaurlaritzak kudeatu beharko lukeela, langileak eta orain arteko baldintzak mantenduta.