Aurkeztutako testuak aplikaziotik kanpo uzten ditu Osasunbideko pertsonal ez sanitarioa. Horregatik, ELAk gaitzetsi egin du Osasunbideari atxikitako langile guztientzat karrera profesionala arautzeko aukera bat alferrik galdu izana, eta kontra bozkatu du.
LAB, USAE, UGT eta Afapna sindikatuek araudia babestu dute, eta orain Foru Parlamentura eramango dute, bertan onar dezaten. Horrela, Osasunbideko langileak izanik osasun lanposturik (zerbitzu orokorrak, administratiboak, telefonistak, etab.) ez duten langile guztiek ez dute inolako errekonozimendurik izango beren karrera profesionalean.
ELAk premiazkotzat jo du karrera profesionala Osasunbideko langile guztientzat onartzea, eta mobilizazioak eta grebak egiteko beharra azpimarratu du. Bestela, ez da guztiontzako aurrerapausorik lortuko.