ELAk elkartasuna adierazi nahi dio Argentinari eta bertako langile klaseari, apirilaren 30erako deitutako greba orokorrean eta mobilizazioetan. Deialdia bertako eragile sindikalek egin dute Mauricio Macriren gobernuaren aurka, hau da, langileak erasotu, familia argentinarrak ito, eta herritar asko pobretzen dituen gobernuaren aurka.
Nazioarteko elkartasuna funtsezkoa da. Bai Argentinan, bai Euskal Herrian eta mundu osoan zehar langile klasearen bizitza eta lan-baldintzak hobetzeko borroken alde eta eraldaketa sozialaren alde lan egiten dugunok elkartasuna adierazi behar diogu. Horregatik, gure Argentinako lagunei gure elkartasuna adierazi nahi diegu Macriren eta FMIaren eredu ekonomiko antisozialaren aurkako borroka egun honetan.