ARGIA.eus

2020ko abuztuaren 13a

Eragileen plaza!

SORTU KONTUA
ELA klase sindikatu abertzalea da, 1911n sortua eta egun 100.000 afiliatu dituena.
2019-03-26 12:20
ELAk bere gaitzespena agertu du Bardeetan egin behar diren benetako suzko maniobrak direla-eta. Gobernu espainiarrak Nafarroan egiten duen erabilera militar hori salatu nahi du ELAk, maniobra horiek ez baitute zerikusirik gure erkidegoaren interesekin. Gainera, arriskutsuak dira biztanle batzuentzat.

Defentsa Ministerioak egin duen iragarpena, alegia, Bardeetan praktika militarrak egitearen truke ordaintzen duen kanonaren igoera, ez da albiste ona. Izan ere, 22 erakunde "kongozante" edo partaideen menpekotasuna handituko du, eta beraz, praktiken amaiera zailduko da. Gainera, eta egiaztatu ahal izan dugunez, Ministerioak erabilera hori areagotu du, eta horren ondorioz Erriberako biztanleendako arriskua handiagoa izanen da eta Biosferako Erreserban kutsadura zabalduko?da.

ELAk oroitarazi nahi du Bardeetakoak bezalako maniobra militarren atzean armen salerosketaren negozio lotsagarria dagoela, eta baita gerra-kulturaren sustapena ere. Mundu osoan zehar dauden gerra-gatazken ondorioz milioika hildako, ihesaldiak, goseteak... gertatzen dira.

Horregatik ELAk honakoa galdatzen dio Defentsa Ministerioari:

1. Oraingo maniobra hauek, "Sirio 19", gure lurraldean eginen diren azken maniobrak izatea, benetako suarekin edo gabe.

2. Tiro-poligonoa berehala desegitea, eta pertsonal militarra Bardeetatik irtetea.

3. Tiro-poligonoaren esparrua kutsaduraz garbitzea, eta xehetasunezko azterlana egitea, ea lurrazala edo akuiferoak kutsaturik dauden edo gerora kutsatu daitezkeen jalkinen ondorioz.

Orobat, ELAk Nafarroako Gobernuari eta Bardeetako Batzordeari honakoa eskatzen die:

1. Bardeak erabilera militarrerako emakida bukatzeko akzio politiko eta juridiko guztiak egikaritzea, eta nafarrek erabiltzeko eta gozatzeko uztea.

2. Defentsa Ministerioaren finantzaketaren etena berdintzeko, toki-administrazioei ordezko finantzaketa-planak eskaintzea.

Halaber, ELAk bat egiten du maniobrak bukatzea eta tiro-poligonoa desegitea helburu duten mobilizazio guztiekin.

?

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.