Akordio Interprofesionala FEADRS patronalak inpugnatu du, ostalaritza kolektiboan aritzen diren estatuko enpresen patronalak, hain zuzen. Honen helburua ez da Akordio Interprofesionala bere osotasunean bertan-behera uztea, inpugnazioak ondorio basati hori izan dezakeen arren, EAEn Estatuko Ostalaritza Hitzarmena aplikatzea, baizik. Enpresen helburua kontratazio berrietan urteko 11.000 euroko soldatak eta 1800 orduko lanaldia inposatzea da, jadanik egiten ari diren moduan.
FEADRSen enpresa ezberdinek Euskal Herriko enpresa eta administrazioak bezero moduan dauzkate. Eta patronalaren helburua epaiketa edo epaiketaz kanpoko akordio baten bitartez Akordio Interprofesionalaren eragin esparrutik ostalaritza kanpo uztea da. ELAk ez du estrategia hau onartuko eta zuzenean oldartuko zaio patronal esplotatzaile honi.
ELAk diagnostiko hau LABekin konpartitu du eta berarekin eraginkorrena den mobilizazio proposamena egin du apirilaren 24an inongo epaiketarik egin ez dadin, eta LABek ezezkoa eman digu. ELAren proposamena hurrengoa izan da:
ELAri oker izugarria iruditzen zaio, LABek ELAri proposatu bezala, mobilizazioak maiatzaren erdialderako uztea, jadanik epaiketa burutu ondoren eta Akordio Interprofesionalaren etorkizuna sindikatuon esku ez dagoenean. ELAk uste du, lehendabizi egoera aldatzeko aukerak dauden eremuetan ekin behar dugula eta apirilaren 24 ondoren egoera berriz ere aztertu beharko dela.