Gaur amaitu da greba-astea, eta jarraipen handia eta manifestazio jendetsuak izan dira, Bilbon gaur bertan egin den bezala. Testuinguru horretan, enpresek denbora asko daramate lan-karga eta mozkin handiekin, eta, bestalde, langileak gero eta pobreagoak dira.

ELAk zoriondu egin ditu hitzarmenaren alde borrokatzea erabaki duten langile guztiak. Greba-aste honetan eman duten mezua argia izan da: FVEMen azken eskaintzaren aurka agertu dira aurrez aurre, eta patronalak egindako planteamenduak nabarmen hobetu nahi dituzte.

ELAk beste behin ere sektore osorako KPIaren berehalako igoerak bermatuko dituen hitzarmen baten aldeko konpromisoa agertu du, haren aplikazioa bermatuz, lanaldia murriztuz eta eskubideak handituz.

ELAren ustez, FVEM patronalak negoziazio-mahaian planteamendu berdinekin jarraitzen badu, eta 11 greba-egunen ondoren, negoziazioaren hurrengo urratsa greba mugagabea deitzea izan beharko litzateke, hitzarmen duin bat lortu arte.