ARGIA.eus

2020ko urtarrilaren 24a

Eragileen plaza!

SORTU KONTUA
ELA klase sindikatu abertzalea da, 1911n sortua eta egun 100.000 afiliatu dituena.
2019-10-24 09:52
PRECOko akordioak ez du aurreikusten Gizarte Ekimeneko gatazkarako egokia den elkarrizketa prozedurarik, baina sindikatuontzat formaz haratago elkarrizketari bide ematea da garrantzitsua, beti ere greba bertan behera uztea suposatzen ez badu. Urriaren 28rako deitu ditu bilera baterako Lan Harremanen Kontseiluak sindikatuak, patronala eta Hezkuntza Saila.

?ELA, STEILAS, CCOO eta LABen agiria:

Sektore honetako langileek 27 greba egun barneratu dituen mobilizazio dinamika bat babesten ari dira 10 urtez berritu gabe daukaten Lan hitzarmena eguneratzeko borrokan. Gatazka bideratuko bada, gatazkara eraman gaituzten eskaerei erantzuna emateko ardura eta aukera duten eragileek, hau da sektoreko patronalak eta hezkuntza saila, gatazkaren irtenbiderako elkarrizketa eta negoziaketa prozesuan zintzotasunez eta adostasunak erdiesteko asmoz parte hartze aktiboa izango dutelako izango da, langileen aldarrikapenei erantzun serio eta nahikoa emanez.

Honetaz konbentzituta, sindikatuok makina bat saiakera gauzatu ditugu patronalak eta hezkuntza saila elkarrizketa eta negoziaketa prozesu hortan zintzotasunez parte hartzera bultzatzeko eta gatazka bideratzeko adostasunak ahalbidetzeko. Besteak beste, saikera horien artean kokatzen ditugu pasa den ikasturtean sindikatuok gauzatutako bi bilera deialdi LHKan.

Baita, pasa den astean Hezkuntza Sailburuak egindako adierazpenen ondoren, biharko, urriak 24rako, ELA, STEILAS, CCOO eta LAB sindikatuok hezkuntza sailari zein sektoreko patronalei luzatutako bilera deialdi berria ere. Eta hau, Hezkuntza sailburuaren adierazpenetan gatazka bideratzeko ezinbestekoa izango den hezkuntza sailaren parte hartzeko borondatean aurrerapausoak emateko asmo bat ikusi ziteekeelakoan. Sindikatuok, sektoreko patronal zein hezkuntza sailari biharko bilerarako deialdia geuk helarazi diegu, eta honetaz gain LHKari ere eskatu diogu patronalak eta hezkuntza sailak bilera honetara etortzeko asmoa duten jakiteko kudeaketa lana egin dezala.

Tamalez, Hezkuntza sailak bilera honetara ez etortzeko erabakia hartu du beste behin ere, eta erabakia justifikatzeko aitzakia gisa deialdia LHKak ez duela egin adierazi komunikabideetan. Bestalde, Kristau Eskola, sektoreko patronal nagusiak ere, bai sindikatuoi bai LHKari berari jakinarazi diote biharko bilerara etortzeko asmorik ez dutela. Kristau Eskolak, patronal, sindikatu eta Hezkuntza sailaren arteko bilera deialdi bat egiteko eskaera luzatu du LHKan, patronal, sindikatu eta hezkuntza sailaren arteko bitartekaritza prozesu bati ekiteko aukerak aztertzeko antza, eta honek datorren Astelehenerako deitu gaituenez, bilera horretara joango direla adierazi digute, sindikatuok deitutakoa alboratuz.

ELA, STEILAS, CCOO eta LAB sindikatuok uste dugu bai patronalaren bai hezkuntza sailaren aldetik, gatazka bideratzeko asmotan, orain arte egin ez dituzten eduki eta planteamendu egokiak eginez, elkarrizketa prozesu eraginkor bati ekiteko asmoa balego, elkarrizketa horietarako deialdia nork egiten duen edota bilerak non egiten diren izan beharko litzateke gutxienekoa. Honi gehitu behar zaio Hezkuntza sailak publikoki adierazi izana Asteleheneko bilerara ikuskari gisa joango litzatekeela, ez, beraz, gatazkaren irtenbidean parte hartze aktibo bat izateko asmoz.

Halaber, ELA, STEILAS, CCOO eta LAB sindikatuok, orain arte bezala, elkarrizketa eta negoziazio prozesu bati heltzeko prest gaude, beti ere langileen eskaerei erantzunez gatazka bideratzeko ardura eta aukera duten eragile guztien inplikazio eta parte hartzea bermatzen badu, eta adostasunak ahalbideratuko dituzten eduki eta planteamenduak bermatu aurretik greba dinamika bertan behera uzteko baldintzarik eskatzen ez badu.

Hau horrela izanik, PRECOko akordioak Gizarte Ekimeneko ikastetxeetako gatazka bideratzeko egokia den elkarrizketa prozedurarik jasotzen ez duen arren, sindikatuontzat formaz haratago elkarrizketari bide ematea da garrantzistua, eta hala azalduko dugu Astelehenean izango dugun bileran.

?

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
?>