Datozen egunetan, Iruñean, Gizarte Segurantzak Glovo enpresan banaketaz arduratzen diren pertsonen lan-harremanak lan-kontratu baten arabera arautzeko epaiketa egingo da.
ELA bere afiliatuen ordezkari gisa aurkeztuko da epaiketa honetan, soldatapekoen lan-harremana aitor dakien behingoz. Sindikatuak uste du, gainera, kontuan hartu behar dela langileak abusuzko enpresa-posizio baten biktima direla eta haien interesak ere babestu behar direla, lan-prekarietatea pairatzen jarraitzen baitute. "Banatzaileak autonomo faltsu gisa kontratatzean plataforma digitalek egiten duten iruzur masiboak lan-eskubide oinarrizkoenen aurka egiten du eta prekarietatea areagotzen du", dio sindikatuak.
ELAk exijitu du, halaber, lan-harremana aitortzen denean, langileek bidegabeki ordaindutako kuotak itzultzea, autonomo izatera behartu baitituzte. Era berean, enpresak ordaindu beharko lukeen gutxieneko soldata bermatua aitortu beharko zaiela gogorarazi du.
Egoera azaltzeko eta aukerak ezberdinak lantzeko, ELAk bi batzar deitu ditu Iruñeko egoitzan urtarrilaren 20 eta 21erako, biak goizeko 10etan.
Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
