2017ko abendutik hona 5 greba-egun eginak dituzte, baina enpresak beldurraz baliatzen jarraitu du: kaleratzeak, erabateko malgutasuna lanaldietan, lan-karga gehiegizkoak, aparteko orduak aitortu gabe, eta eguneroko lana egiteko tresna desegokiak, osasuna arriskuan jartzen dutenak.
Enpresako Zuzendaritzak negoziatzeari uko egiten dio, eta egoera konpondu beharrean, gure lan-baldintzak are prekarioagoak egin gura ditu, DIA&GO supermerkatuak irekitzean egin duen bezala, non ordutegiak eskandaluzkoak diren, eta langileen lan-bizitza eta norberaren bizitza kontziliatzea are zailagoa den.
Gainera, enpresak supermerkatu berri horietan ezarri nahi dituen ordutegiek talka egiten dute aurrez aurre EAEko merkataritza-ordutegiekin. Azkenean baimendu eta ezarriko balira, auzoetako denda txikien amaiera izango litzateke.
Eskakizunak oso argiak dira: plantilla handitzea, eta Bizkaiko 35 DIA supermerkatuetan diharduten 300 emakumeentzat lan- eta osasun-baldintza hobeak.