Arcelor Mittaleko espedientea negoziatzeko beste bilera bat egin da gaur arratsaldean, eduki nagusi hauekin:

- Enpresak aurrez planteatutako 50 eta 100 kaleratze artean kentzea proposatu du.

- Konpromisoa hartu du ERTEaren negoziazioan akordio bat lortuz gero, salbuespen egoeran oinarrituz eskatu zuen ERTEaren (zeina Administrazioak ukatu egin zion) aurrean helegitea ez aurkeztea.

- Negoziazioa luzatu egingo da, eta hurrengo bilera asteazkenean izango da.

ELAk uste du, negoziazioaren hasieratik, kaleratzeak planteatzeak ez zuela zentzurik. Zuzendaritzak mehatxu gisa baino ez du erabili, eta jada kendu dute. Zoritxarrez, berriz ere egiaztatu dugu zuzendaritzak nahi dituen terminoetan bakarrik hitz egiten dela. ELAtik berriro diogu beharrezkoa dela lantegien etorkizuna bermatuko duten industria-planak egitea, inbertsioak eginez eta lantegi bakoitzean errelebo-kontratua eginez. Estatuko AMko Zuzendaritzak esan du ez duela autonomiarik gai horiei buruz hitz egiteko, eta, beraz, negoziazio-baldintzak ERTEaren soldata-osagarriaren ehunekora mugatzen direla soilik.