Erronka horien artean bi dira aipagarriak. Lehena datozen hilabeteetan pobreziaren eta bazterketa sozialaren kontra garatuko den Legegintzako Herri Ekimena. Ekimen herritar honen helburua kalitatezko sistema publiko soziala lortzea da. Bigarrena ekainaren 2an Iruñean egingo den Alternatiben Herria da. 2015eko urrian Bilbon egindako ekitaldiaren arrakastaren ostean orain Nafarroako hiriburuak hartuko du lekukoa.