MIGRAZIOA EZ DA ELKARTASUNA, ESPLOTAZIO MASIBOA BAIZIK
1. Berriz ere, komunikabideek Mediterraneoko immigrazio irregularraren gaineko irudi zirraragarri edo mehatxagarriekin bonbardatzen gaituzte.
2. Bai hedabideek, bai beren burua ezkerrekotzat edo eskuinekotzat duten indar politikoek, irudi horien inguruan kokatzen dute migrazio-eztabaidaren muina. Hala ere, bada horren inguruan harrigarria den eta errealitateak migrazio-erronkaren ikuspegi horrekin zerikusi gutxi duela adierazten digun zerbait.
3. Baina berez, Mediterraneoan zeharreko immigrazio irregularra migrazio-fenomenoaren oso zati txikia baino ez da.
4. EUROSTATen eta FRONTEX europar agentziaren datuen arabera, datuak bildutako azken urtea (2.021) erreferentziatzat hartuta, Mediterraneotik barrena egindako sarrera irregularrak Europar Batasunerako immigrazio osoaren % 4 baino ez ziren izan.
5. "Iruzur" mediatiko horrek Europar Batasun osoan milioika migratzaileren lan-esplotazio masiboa baino ez den fenomeno baten errealitatea ezkutatzen digu. Ustiapena ez da fenomeno osagarria, migrazio-mugimenduaren helburua eta motorra baizik. Eskrupulurik gabeko milaka enpresabururen pozerako, migratzaileak masiboki kontratatzen dira , lan kostuak hondoratuz dirua erraz irabazten dutelarik. Argi dago Mediterraneoko iruzurrak behin eta berriz ezkutatu nahi duela errealitate hori. Ustezko ezkerrak eskuinaren aurrean "giza elkartasuna" eskatzeko erabiltzen du iruzur hau eta ustezko eskuinak berriz Mediterraneoko herrialdeen legez kanpoko "inbasioaren" aurrean eta ustezko ezkerraren aurka izua pizteko. Horrela, ustezko ezker eta eskuinak agerian uzten dute, beste behin, interes korporatiboek zenbateraino baldintzatzen dituzten.
6. Horrelako manipulazio mediatikoek, ikusten dugun bezala, neonazien inspirazioko korporatibismo postmodernoaren ohiko ildoari jarraitzen diote. Emozioen manipulazioaren bidez errealitatea desitxuratu nahi da eta, horrela, emakumearen emantzipazio-mugimendua postmofeminismo korporatiboan bihurtu, edo katastrofismo klimatikoa erabili ingurumenaren defentsa-mugimenduaren arrazionaltasuna suntsitzeko.
7. Migrazio-fenomenoa lan-esplotazio masiboaren fenomenoa da. Lan-esplotazio hori, langile migratzaile askoren kasuan, zerbitzurako edo esklabotzarako baldintza bihurtzen da, Oinarrizko Eskubideen Europako Agentziak berak behin eta berriz salatu duen bezala.
8. Baina ez dezagun ahaztu, langile esplotatuekin topo egiten dugun bakoitzean, erraz aberastutako inbertitzaileen aurrean aurkitzen garela aldi berean . Migrazio-fluxuaren atzean dauden interes ekonomiko eta korporatiboak izugarriak dira. Horrek ezinezko egiten du egungo komunikabideak eta talde politikoak, zeinak korporazio handiei men egiten dieten, era horretako manipulazioetatik nolabait aldentzea.
Dokumentu hau EKAI Centerrek gauzatu du GOGOZ proiektuaren barruan, HURBIL adostasun-metodologiari jarraituz. Eskerrik asko zure interesagatik. Segi gurekin.
PDF:
