BALIOAK, KULTURA ETA IDEOLOGIA GAURKO GIZARTEAN
1. Adostasun zabala dago azken hamarkadetako kultura eta balio nagusiak postmodernismoa edo, zehatzago esanda, "korporatibismo postmodernoa" deritzonak markatu dituenaren inguruan. XX. mendeko 70eko hamarkadan hasitako garaiaz ari gara, eta bereziki, 90eko hamarkadatik aurrera, Gerra Hotza amaitu ondorengoaz.
2. Esparru sozioekonomikoan kapitalismo aurreratuaren aldia edo aldi neoliberala deritzoguna da. Laburbilduz, esan dezakegu Kapitalismo eredu horrek ez duela funtzionatu. Produktibitatea eta per capita errenta pixkanaka moteltzen joan dira Mendebaldean, azken 15 urteetan ia erabateko geldialdi batera iritsi arte. Bilakaera kezkagarri horrek, gure bilakaera sozioekonomikoa ez ezik, gure kulturaren eta gure balioen bilakaera ere markatu du.
3. "Korporatibismo postmodernoa" esamoldea korporazio handiek azken hamarkadetako kultura eta balioak moldatzerakoan izan duten funtsezko eraginetik abiatzen da, XX. mendearen bigarren erdian filosofian, artean eta kulturan garatzen ari ziren joera postmoderno edo postmodernistak haien alde erabiliz edo deformatuz izandako eraginetik .
4. Baina, logikoa denez, korporatibismo postmodernoaren korronte horiek ez ziren ezerezetik sortu. Baliabideak bereganatzeko, kontrolatzeko eta gizartea manipulatzeko helburu korporatiboei erantzuten diete. Aurrez oso adierazpen zehatzak dituzte korronte hauek, eta nabarmenki, XX. mendearen lehen erdiko mugimendu faxista eta naziak aipatu behar dira. Faxismoa eta nazismoa bultzatu eta finantzatu zituzten korporazio berberek jarri zituzten abian Gerra Hotzean zehar, postmofeminismoa, katastrofismo klimatikoa, migrazio-mugimendu handiak eta biztanleria murriztera eta kontrol sozialera bideratutako estrategia multzo oso bat eragin zituzten kontrol eta manipulazio sozialerako tresnak.
5. Funtsezkoa da kontuan hartzea, korporatibismo postmodernoa Mendebaldean nagusi bihurtu den kultura eta ideologia bada ere, hori ez dela horrela munduko gainerako herrialdeetan. Gorabidean eta garapen bidean dauden herrialdeek zalantzan jarri eta barregarri uzten dituzte balio horiek, eta gero eta nabarmenago eta zuzenago baztertzen dituzte. Errealitate horrek, Mendebaldean bertan sektore minoritario baina gero eta handiagoek balio horiek zalantzan jartzen dituztela kontuan hartuta, gero eta argiago pentsarazten digu XXI. mendeko balioak izango zirela uste genuen korporatibismo postmodernoaren balio horiek ez direla horrela izango. Hein handi batean, mendebaldeko geldialdi ekonomikoaren konponbidearen mende egongo da hori, eta bestalde, egungo gatazka geopolitikoaren bilakaeraren mende; gatazka horrek, batetik, Europa eta Estatu Batuak aurrez aurre jarrita dauzka, eta bestetik, gorabidean eta garapen-bidean dauden herrialdeak.
Agiri hau EKAI Centerrek landu du GOGOZ egitasmoaren barruan, HURBIL adostasun-metodologiari jarraituz. Eskerrik asko zure interesagatik. Segi gurekin.
PDF:
