Arrantza ekonomia globalizatuaren aurrean izenburupean datorren ostiralean sektore honen inguruko hitzaldia egongo da Ondarruko kofradia zaharrean. Ehne Bizkaia eta Hegoak antolatuta eta Leo Belaustegi arrantzalea, Jota arrantzalea eta Labeko liberatua, eta Anne Marie Vergez iparraldeko arrantzalearen parte hartzearekin egungo Euskal Herriko arrantzaren egoera eta problematikak landuko dira.
Arrantza sektorearen egoera aztertuko da, Euskal Herrira begira batez ere, globalizazioaren aurrean arloan jasandako problematikak azalduko dira. Bai sektorearen biziraupena eta baita itsasoa babestearen ikuspegitik. Euskal kostaldean eraikitzen eta antolatzen ari diren alternatibak ezagutzeko aukera ere egongo da.
Hitzordua, datorren ostiralean, hilak 19, arratsaldeko 18.30tan Ondarruko Kofradia Zaharrean izango da.
