ARGIA.eus

2020ko uztailaren 04a

Eragileen plaza!

SORTU KONTUA
Eguzki euskal erakunde edo elkarte ekologista bat da, boluntarioek osatua. Boluntariook herriz herriko taldeetan aritzen dira. Halaber, talde hauek laguntzaile sare baten korapiloak dira. Eguzkik herri-erakunde izaera du. Hau da, ez dute ingurugiro alorreko profesionalek osatzen, herritar “arruntek” baizik. Bakoitzak bere ezagutza eta gaitasuna taldearen zerbitzura jartzen ditu, nahi edota ahal duen neurrian. Gehiago jakiteko. http://eguzki.org/quienes-somos/
2019-12-11 02:01

ARGAZKIA: NOAUA

Usurbilgo Udalak manifestazioa deitu du ostiral honetarako, hilak 13, 19:00etan, erraustegia martxan jartzeko probetan hasi direla salatzeko.

Eguzkiko kideok manifestaziora joateko asmoa dugu. Gure ustez, aukera ona da erraustegia salatzeko, noski, baina baita ere Madrilen ospatzen ari den COP25 edo Klimaren inguruko Goi Bilerari edo “gailurra”ri ekarpentxo bat egiteko. Izan ere, aspaldi ikasi genuen globalean pentsatzea eta lokalean ekitea txanpon beraren bi aldeak direla.

Erraustegia martxan jartzen bada, datozen urteetan Gipuzkoan berotegi-efektuko gas-iturririk nagusietako bat izango da. Gauzak horrela, krisi klimatiko globalaren aurrean suminduta agertzea baina erraustegiaren aurrean beste alde batera begiratzea kontraesana litzateke. Krontraesan horretan eroso sentitzen dira gobernatzen gaituzten politikariak. Haiek, etengabeko “greenwashing” kanpaina batean murgilduta, gauza bat esan dezakete eta oso bestelako bat egin. Baina guk ez dugu uste krisi klimatikoak zinez kezkatuta daudenak kontraesan horretan eroso egon daitezkeenik.

Beraz, esan bezala, ostiralekoa erraustegiaren aurkako hitzordua da, baina, nolabait esateko, Madrilgo COP25 ere Usurbilen egongo da.

Gogoratu: pentsatu globalean, ekin lokalean.

IMG-20191210-WA0007

La entrada Ostiralean Usurbilen erraustegiaren kontra egingo den manifestazioa eta klimaren inguruko Madrilgo “gailurra” aparece primero en Eguzki Talde Ekologista.

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.