ARGIA.eus

2020ko ekainaren 06a

Eragileen plaza!

SORTU KONTUA
Eguzki euskal erakunde edo elkarte ekologista bat da, boluntarioek osatua. Boluntariook herriz herriko taldeetan aritzen dira. Halaber, talde hauek laguntzaile sare baten korapiloak dira. Eguzkik herri-erakunde izaera du. Hau da, ez dute ingurugiro alorreko profesionalek osatzen, herritar “arruntek” baizik. Bakoitzak bere ezagutza eta gaitasuna taldearen zerbitzura jartzen ditu, nahi edota ahal duen neurrian. Gehiago jakiteko. http://eguzki.org/quienes-somos/
2020-05-17 12:10

COVID 19ren zigorraren faserik gogorrena igaro ondoren, normalizaziorantz aurrera egiteko jarri zaigun murrizketetako bat gure udalerriaren barruan, eta, orain, baita ondoko herritik ere paseatzeko ordutegia errespetatzea da.
Hori guztia ondo dago! Baina zer gertatzen da Lezoko bizilagunak Pasai Donibanerantz eta alderantziz doazenean, eta Iberdrolaren Termika desagertuaren ikatza gordetzeko gune zaharraren parean, ikuspen gutxiko eta metro erdiko zabalera baino ez duen bihurgunean dagoen espaloi batekin topo egiten dugunean? Hori dela eta, kontrako noranzkoan datorren beste oinezko batekin gurutzatzen garenean, irten egin behar izaten dugu errepidera, gure bizitzak etengabe arriskuan jarriz, pertsona asko ibiltzen baitira urteko egun guztietan, eta are gehiago egun hauetan.
Kasu honetan, oinezkoen segurtasuna eskatzen ari gara, ez bidegorria soilik zabaltzea. Badakigu Foru Aldundia eta Lezoko Udala akordio batera iritsi zirela, eta akordio horren arabera, Lezoko herrigunea eta Pasaia Donibane banatzen dituen distantzia hiru zatitan banatuta geratu zela; lehenengo biak bi erakundeen artean egingo lirateke, eta duela urtebete baino gehiago gauzatuta daude, eta hirugarrenerako, hau da, oinezkoentzat arriskutsuena eta neketsuena, bakarka egiteko konpromisoa hartu zuen Foru Aldundiak. Aipatutako exekuzioa 2. faseko obrak amaitzean hasiko litzatekela iragarri zuen Aldundiak, hau da, duela urtebete baino gehiago. Badakigu Pasaiako Portuko Agintaritzak baimena eman duela tarte hori egiteko. Orduan, geure buruari galdetzen diogu: zer gertatzen da puntu ilun horrekin ez amaitzeko? Edo ez al dira konturatzen egungo egoeran sortzen den inbutu-efektuaz?
Pasai Donibaneko eta Lezoko bizilagunek, tarte horretan bertan, zenbait mobilizazio egin dituzte, hala nola 2013ko maiatzaren 6ko giza katea, betiere oinezkoen SEGURTASUNAREN mesedetan. Gogoratu behar da urte horretan bertan aho batez onartu zela Gipuzkoako Bidegorrien Plana. Plan horretan, besteak beste, Lezo-Donibane tartea gauzatzea aurreikusten da, eta, 7 urte geroago, oraindik ez da osorik gauzatu.
Eguzki Oarsoaldeak, beti aldarrikapen honetatik gertu egon denak, erakunde arduradunei dei egin nahi die hain beharrezkoa den obra hau denboran gehiago ez luzatzeko. Erakunde publikoek azpiegitura osasungarri eta jasangarrietan inbertitzeari lehentasuna emateko unea da, ingurumenaren eta ekonomiaren aldetik, interes oso zehatzei soilik erantzuten dieten megainfraegituren kaltetan.

La entrada LEZO-PASAI DONIBANE ARTEKO BIDEGORRIA aparece primero en Eguzki Talde Ekologista.

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.