Eguzki talde ekologistak, urriaren 14tik 26ra, Aiako Harria Parke Naturala/Kontserbazio Bereziko Eremuari buruzko erakusketa bat antolatu du “Aiako Harria Parke Naturala benetan babestuta al dago?” izenburupean Errenteria-Oreretako Xenpelar etxean, Madalen kaleko 34. zenbakian. Bertan gaiari buruzko argazkiak, bideoak eta bestelako materiala ikusgai izango da, eta Añarbe baso-erreserbaren gaiak leku propioa izango du.
Aiako Harria Parke Natural izendatu zen 1995. urtean, eta, ia 20 urte beranduago (2013an), Kontserbazio Bereziko Eremu izendapena lortu zuen 2000 Natura Sarearen parte bihurtuz. Aurtengo azaroan eremu hori kontserbatzeko edo/eta horren egoera hobetzeko ezarritako helburuak eta neurriak lortzeko sei urteko epea betetzen da, eta betetze-maila ez ote den txikia izango kezkatua dago Eguzki taldea. Gure kezka erakusketaren izenburuan adierazi nahi izan dugu.
La entrada AIAKO HARRIA PARKE NATURALARI BURUZKO ERAKUSKETA ORERETAN aparece primero en Eguzki Talde Ekologista.
Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
