Uzta bildu ondoren soroan geratzen diren eta saltzeko erabiltzen ez diren elikagaiak berreskuratzean datza buruxkaketa. Elikagai horiek biltzeko eta gizarte-kolektiboen artean banatzeko ekimena da Buruxka. Martxan jarri eta hilabete gutxira, 442 familia nafarrek elikagai osasungarriak eta hurbilekoak jasotzen dituzte, boluntarioek jasoak. Deierrin sortu den ekimen polita, Nafarroa osora zabaldu nahi dena eta hainbat operadore ekologikoren laguntza jasotzen duena.