2022-07-28 08:09
Aste Nagusiko astelehenean, asteartean eta asteazkenean ur-kirol hau ikusteko eta aritzeko aukera egongo da Bilboko Konpartsen eskutik, izan ere, Waterpolo lehiaketa antolatuko da Ripako kaian, 15:00etatik aurrera, Club Deportivo Bilbaorekin elkarlanean. Lehen bi egunetan, abuztuaren 22an eta 23an, taldeen arteko txapelketa izango da eta hirugarrenean, abuztuaren 24ean, txapelketa herrikoia.
Izen-ematea astelehen eta astearteko partiduetan zehar izango da.
The post Waterpolo lehiaketa Bilboko itsasadarrera itzuliko da appeared first on Bilboko Konpartsak.
Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
1978an, hainbat faktoreren metaketaren ondorioz sortu zen Bilboko jai eredua. Eredu hau bakarra dugu munduan, konpartsek -herri jatorriko taldeak- Aste Nagusia sortzeko eta antolatzeko duten rol garrantzitsuagatik. Denbora asko igaro da ordutik, bai, baina batzuek, euren besaulkitik egungo gizartearen pasibotasuna aldarrikatzearekin batera “urte zoragarri haiengatik” krokodilo negarrak isuritzen dituzten bitartean, Bilboko jai eredua zuzendu beharreko arazotzat daukate, goitik behera antolatuz, agintekeria behingoz inposatzeko desiatzen baitaude.
Bilboko Konpartsen Federazioak, aldiz, ilusio hartako sugarra pizturik mantentzen du: gogotik egiten dugu lan urte osoan eta gure helburua jaiak -Aste Nagusia, San Tomas, inauteriak eta auzoetako jaiak- herritarrek herritarrentzat eginak izatea da. Elkarbizitza posible dela uste dugu, ezberdintasunetik eta iritzi aniztasunetik. Instituzioek bakarrik antolatutako jaien ereduarekin konforme ez gaudenok konpartsetan biltzen gara. Konpartsok ezberdinak gara, jaia gara
