Apirilaren 3tik 12ra REAS Nafarroak Ekonomia Solidarioaren XVIII. Jardunaldiak eginen ditu Iruñean. Aurtengo edizioan etxebizitza eskuratzeko zailtasunean jarriko da fokoa.

Pertsona guztientzat etxebizitza duina eta egokia izateko eskubidea bermatzea da gizarte gisa dugun erronka kolektibo handienetako bat, eta uste dugu erronka hori eredu ekonomiko eta sozial baterako trantsizioarekin lotu behar dela, pertsonen, ingurune sozialaren, lurraldearen eta naturaren zaintza erdigunean jarriko dituena.

Ikuspegi horretatik, kezkaz ikusten dugu lurralde ezberdinetan gertatzen ari dena: etxebizitza duina lortzeko zailtasuna edo ezintasuna, alokairuen prezioaren igoera izugarria, etxegabetzeak, etxerik gabeko pertsonak gure kaleetan… Jardunaldi hauetan, egoera larri honi irtenbide bila dabiltzan gizarte eragileen eta erakundeen proposamenei buruz hitz egin nahi dugu. Ekonomia Solidarioak urteak daramatza merkatu tradizionalaren ordezko eredu kooperatiboak sustatzen. REAS Nafarroan etxebizitza kooperatiboa sustatzen dugu, ez espekulatiboa eta gure lurraldean erabilera lagatzeko irabazi asmorik gabekoa. Eredu horrek etxebizitza sozial eta irisgarrien parkea handitzen laguntzen du, eta irtenbide kolektiboak bilatzen ditu. Irtenbide horiek, etxebizitza gizarteko geruza gehiagotara iristea ahalbidetzeaz gain, etxebizitza eredua hain indibidualista ez den, partekatuagoa den, iraunkorragoa den eta ikuspegi komunitario batek eskaintzen dituen zaintzetan eta indarguneetan oinarritzen den eredu baterantz eraldatu nahi dute.

Hau da prestatu dugun jardunaldien egitaraua:

Apirilak 3 osteguna 18.30 Katakrak Etxebizitzaren arazoa: nola heltzen diogu irtenbideari? Pobreziaren eta Gizarte bazterketaren Kontrako Nafarroako Sarea Paris 365 Haritu Elkarlaguntza Sarea	Apirilak 7 astelehena 18.30 Katakrak Políticas públicas de vivienda a debate Begoña Alfaro, Consejera de Vivienda, Juventud y Políticas Migratorias Javier Burón, director gerente de Nasuvinsa Gloria Rubio, Fundació La Dinamo
Apirilak 9 asteazkena 18.30 Katakrak Viviendas cooperativas: experiencias y proyectos de futuro Red de viviendas cooperativas Koobizitza Cooperativa Entrepatios (Madrid) Colectivo de arquitectura El Tinglado	Apirilak 12 larunbata 10.30 Plazara! Taller práctico: Qué hacer y qué no hacer al montar una vivienda cooperativa Abaraska, proyecto cooperativo de vivienda Cooperativas Etxekide y Etxekonak Arterra Bizimodu