2025-11-19 16:30
Arabako Merkataritza eta Zerbitzuetako Enpresarien Elkarteak (Aenkomer) atzo arratsaldean banatu zituen bere urteko sariak Gasteizen, herrialdeko merkataritzaren bikaintasuna aitortzeko asmoz. Florida Merkatuak Euskararen Erabilera Sustatzeko Saria eskuratu zuen
Sari honek Florida Merkatua osatzen duten profesionalen lana nabarmentzen du, euskara saltokiaren egunerokoan modu naturalean integratzeagatik.
Florida Merkatuak Bai Euskarari Ziurtagiria du, eta horrek erakusten du hizkuntzaren normalizazioarekin duten konpromisoa estrategikoa eta epe luzekoa dela.
Zorionak Florida Merkatuari egindako lanagatik!
Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
Bai Euskarari Elkartea ekarpen ugari egiten ari da urte hauetako ibilbidean, Bai Euskarari ziurtagiri bat baino askoz gehiago da. Gero eta eragin eta arrakasta handiagoa lortzen ari diren proiektuak, tresnak eta baliabideak lantzen, sortzen eta egokitzen ari gara Euskal Herriko enpresen eta profesionalen eskura jartzeko: Enpresarean (azoka, foroak eta telebista), Lansarean lan-ataria eta aplikazioa, Lanabes – Araban Euskara Lanean, jarraibide egokiak eta abar luze bat. Argi dugu gure ekarpena lagungarria izaten ari dela alor sozioekonomikoaren espazioak euskaraz betetzeko, eta horretan segitu nahi dugu. Euskaraz bizitzea, euskaraz lan egitea, ekitea, sortzea, berritzea, saltzea eta erostea, egunerokotasunean euskaraz normaltasun osoz aritzea posible bada, gure ongizatea handiagoa izango baita. Horra hor gure erronka.
