ARGIA.eus

Egin ARGIAkoa
Oparitu ARGIA

Eragileen plaza!

SORTU KONTUA
Ez adiorik, Xabier!
2023-10-03 07:33

Xabier Mendiguren Bereziartu idazlea, itzultzailea eta Euskalgintzaren Kontseiluko idazkari nagusi ohia hil da.

Ezkion (Gipuzkoa) jaio zen, 1945. urtean, eta euskararen inguruan eman zuen bizitza. Ikastolen mugimenduan ibili zen. Euskalgintzaren Kontseiluko idazkari nagusi izan zen haren sorreratik 2010era arte, eta euskaltzain urgazle izendatu zuen Euskaltzaindiak.

Mendiguren Kontseiluko idazkari nagusi zela sortu zen Bai Euskarari Elkartea, Ziurtagiria sortu eta 7 urtera. Lekukoa emateko ekitaldia egin zen 2007an Donostiako Kursaalen. Idazkari nagusi ohi zela, 2011n, Bai Euskarari Laguna oroigarria jaso zuen euskararen normalizazioaren alde egindako lanagatik.

Rober Gutiérrezek Twitterren esan duen moduan "Erreferente handi bat" galdu dugu: "Izugarrizko pribilegioa izan dut Xabierrekin Kontseiluaren sorreratik lan egiteko aukera izan dudalako, #BaiEuskarari kanpainan hasi eta Bai Euskarari Elkartea sortu bitartean… Asko zor diogu Xabierri, egindako ekarpenagatik eta berarekin batera ikasi dugunagatik. Gugan zaude. Ez adiorik, Xabier!"

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
Bai Euskarari Elkartea
Bai Euskarari Elkartea ekarpen ugari egiten ari da urte hauetako ibilbidean, Bai Euskarari ziurtagiri bat baino askoz gehiago da. Gero eta eragin eta arrakasta handiagoa lortzen ari diren proiektuak, tresnak eta baliabideak lantzen, sortzen eta egokitzen ari gara Euskal Herriko enpresen eta profesionalen eskura jartzeko: Enpresarean (azoka, foroak eta telebista), Lansarean lan-ataria eta aplikazioa, Lanabes – Araban Euskara Lanean, jarraibide egokiak eta abar luze bat. Argi dugu gure ekarpena lagungarria izaten ari dela alor sozioekonomikoaren espazioak euskaraz betetzeko, eta horretan segitu nahi dugu. Euskaraz bizitzea, euskaraz lan egitea, ekitea, sortzea, berritzea, saltzea eta erostea, egunerokotasunean euskaraz normaltasun osoz aritzea posible bada, gure ongizatea handiagoa izango baita. Horra hor gure erronka.
Kalean da Bizi Baratzea Orriaren neguko zenbakia
Izara formatuko aldizkari berezia da
Urtaro bakoitzean zabaltzen dugu Lurrari begiratzen diogunon Orria. Izara formatu berritzailea du eta erdi-erdian beti poster dakar, oraingoan, intsektuen inbernazioari buruzkoa. Batu mundua bizigarri eta eguneroko bizitza gozagarri egiten dutenen komunitatera!
Etxean jaso nahi dut