Denda txikiak eta betiko merkatuak desagertzen ari dira merkatalgune handien aurrean. Hala ere, Gasteizko Hebillas merkatuak San Kristobal auzoko merkataritzaren erreferente izaten jarraitzen du. Merkatu horretan dago Etxabe harategia, Bai Euskarari komunitateko kidea, eta kalitatezko produktuei eta bezeroekiko arreta zainduari funtsezko elementu bat gehitu diote: berrikuntza.
Hala, joan den astelehenean postu berri bat zabaldu zuten merkatu horretan, aurrez prestatutako jakiak, gourmet produktuak eta kalitatezko elikagaiak dituena. Helburua ez da soilik merkatuan jada badiren produktuak eskaintzea; haratago joango dira. Goi-mailako sukaldariek etxeko modura egindako platerak prestatuko dituzte gure hurbileko haragi eta produktuekin.
Zorte on negozio-ideia berriarekin, Isabel eta Ismael!