Zergatik da garrantzitsua enpresetan barne-komunikazioa ondo lantzea? Zer hartu behar da kontuan? Eta hizkuntzek, batez ere euskarak, zein leku du enpresen komunikazioan? Zein irizpide jarrai ditzakegu ekitaldi eta batzarretan?
Galdera horiek guztiak eta beste batzuk erantzun zituzten ekainaren 5ean egin zen Enpresarean Foroan. Beheko bideoan ikus-entzun ditzakezue hitzaldian eta solasaldia osorik:
Amaia Ocerin Komunikazio eta Marketin adituaren hitzaldia izan zen lehendabizi. Komunikazio korporatibotik hasi eta barne-komunikazioaren garrantziaz jardun zuen.
Fagor Taldeko Iker Oñatek beraien komunikazioetan euskarari zein garrantzi ematen dioten azaldu zuen eta langile bakoitzaren hizkuntza hautuaren arabera nola moldatzen duten barne-komunikazioa. inguruko komunikazioaren inguruan jardun du.
Oreka IT-ko Ione Bahonek enpresan hizkuntzen inguruan egin duten hausnarketaren berri eman zuen. Euskara, gaztelania eta katalana kudeatu behar dituzte erakundean.
Asier Basurto Soziolinguistika Klusterreko kideak Jendaurrean.eus webgunea aurkeztu zuen. Erakunde batek kounikazio-publikoan hizkuntzak egoki kudeatzeko irizpideak, esperientziak, tresnak eta gomendioak biltzen ditu webguneak.
Hitzaldien ostean solasaldia egin zuten, Arantxa Iraola Berria-ko kazetariak gidatuta.
Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
