2024-09-11 11:16
Badator Euskaraldiaren laugarren edizioa! Eta nola ez, lehen urratsak Euskaraldia egitea posible egiten duzuen kideekin ematea ezinbestekoa da. Horregatik, irailaren 26an, Eibarren egingo dugun EUSKARALDIA ON! topaketara joateko Donostiatik pare bat kotxe jarriko ditugu.
Eibarrekoa ez da ohiko bilkura izango:
- Euskararen erabilera bultzatu nahi dugun euskaltzaleon bilgunea izatea nahi dugu,
- Kezkak eta ideiak partekatzeko, baina, batez ere, aldaketa posible dela sinisteko,
- Tarteka bidean galtzen ditugun indarrak berreskuratzeko,
- Eta herri/auzoetan baliagarriak izan daitezkeen ideiak eta tresna praktikoak eskuratzeko
- Gainera, topaketan herrien izen ematea zabalduko dugu!
Euskaraldia indartsu behar dugu, baina, batez ere, indartsu behar gaitu.
Irailak 26, osteguna | Eibarko Coliseo antzokia | 18:00-19:30
Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
Bagera Donostiako Euskaltzaleen Elkartea 1991ko abenduaren 14an sortu zen. Ordutik, bageraren helburu nagusia Donostian euskaraz bizi ahal izatea eta euskarari bizitza ematea izan da.
Donostiako euskararen erabilera areagotzeko egitasmo, ekintza eta programa ezberdinak antolatzeaz gain jendartea aktibatu nahi dugu, zirikatu, ikusgarri egin, pentsarazi.
