"Covid-19, jendea lerrokatzeko parada ustekabea" leloari erantzunez, Ipar Euskal Herriko hamahiru herrietan burutu dira elkarretaratzeak, herriko etxeen aitzinean. Gehienetan asanblada irekiak egin dituzte, pandemiaren kudeaketaz mintzatzeko: Frantziar gobernuaren axolagabekeria eta errepresioa, ospitaleen egoera, konfinamendu berriaren absurditatea, herritarren kezkak eta gogoak... Herri batzuetan poliziak kontrolak egin ditu.

Herri batzuetan ekimenarekin aurrera jotzeko erabakia hartu dute, datorren larunbaterako deialdi berriak antolatuz, forma eta eduki desberdinekin.