«Eta Kitto»: Gure : Experientzia Toki Guztietara Zabaldu Nahi Dugu

1982ko ekainaren 20an

"Eta Kitto" aldizkarikoei elkarrizketa
Aldizkari Autonomo Baten Experientzia Donostian
«Eta Kitto»: Gure : Experientzia Toki Guztietara Zabaldu Nahi Dugu
Duela hamulau bat hilabete, oso experientzia polita hasi zuten Donostian: «eta KITTO» izeneko aldizkari autonomoa jaio zen. Autonomoa baina asmo zabalekin: ziutatearen benetako biziaren espresabidea izan. Batere makala ez den helburu horrekin abiatu ziren, beraz, eta dagoeneko sei ale dira kioskoetan. Nolabaiteko balantzea egiteko garaia zelakoan, haiengana hurbildu gara ea zer kontatzen diguten.
"Isildutako Ahotsei Eman Nahi Diegu Hitza"
ARGIA.–Zerk bultzatu zintuzten horrelako projektu bat aurrera eramateko?
ETA KITTO.– Inguruan zegoen giroak, hau da, betiko sektore ofizialetik kanpo dagoen jendea erabat baztertuta aurkitzen dela. Hauen eritziak tabernan nahiz janaridendan gelditzen dira, baina ez dira inoiz iristen iritsi behar luketen tokietara. Orduan, guk isildutako ahots horiei eman nahi izan diegu hitza.
ARC;IA.–Esan duzuen horrek komunikabide ofizialei kritika dakar, ezta?
ETA KITTO.–Jakina, hor badago prentsa normalak bete ezin duen hutsune bat. Guk Donostiatik eta Donostiarako aldizkari bat egin nahi dugu, ahalik eta donostiar gehienak berena esan dezaten, ziutate honetako bizia–benetako bizia- ongi espresaturik geldi dadin. Eta aldizkari eta egunkariek ezin dute horretara ailegatu. Oso partziala eta puntuala da guk egindako aukera, eta egunkariek beste dimentsio bat tratatzen dute.
"Ez Gara Jaio Inori Konpetentzia Egiteko"
ARGIA.– Orduan, zuen esperientziarekin ez zoazte inongo komunikabideren kontra?
ETA KITTO.–Ez, ez, garbi baino garbiago utzi behar dugu ez garela jaio inori konpetentzia egiteko. Uste dugu eremu desberdinak direla, eta askotan osagarriak ere badira. Ahalik eta espresabide gehienak behar ditugu. Geronek ere ez dakigu. jakin. gure eremu hori ongi betetzen dugun ala ez, baina horretara goaz.
ARGIA.–Zein oinarri ideologikotatik abiatu zarete?
ETA KITTO.- Nire ustez ez dago ideologia markaturik inondik ere ez. Haseratik ari garenok ez diogu behin ere aldizkariari definiziorik eman nahi izan. Areago, "eta KITTO"ren inguruan bildu garenok oso ideologia desberdinetakoak gara. Gertatzen da idazten duen jendeak bere ideiak dituela, baina hori ez da aldizkariaren linea.
"Gauzak Funtzionatzeko, Jendeak Etiketak Behar Ditu"
ARGIA.– Eta jendeak non kokatzen zaituzte ideologi kontutan?
ETA KITTO.– Herri honetan gauza negargarri bat dago: gauzek funtzionatu ahal dezaten, jendeak etiketak jarri behar ditu. Tristea da baina hala da. Adibidez, "Zapa"ren izena tartean dagoenez, askok EEkoak garela uste du, eta ez dute erosten ezta kolaboratzen ere. Eta barruan gabiltzanok ezagutuz gero, garbi dago ez dagoela horrelakorik. Badirudi jende asko zain dagoela ea azaltzen den "eta KITTO"ren atzean dagoen botere sekretoa zein den. Konkretuki, Amnistiaren Aldeko Batzordeei askotan eskatu izan diegu kolaborazioa esate baterako, baina ez dute inoiz idatzi nahi izan. Batzarentzat ere Partidu Radikalaren organoa omen gara, baina jar ezazu garbi gutxienez Ejekutiboan lau kargu ematen ez badizkigute, ez dugula inola ere onartuko.
ARGIA.– Eta talde bezala linea konkreturik ez izateak ez al dizue problemarik ekarri?
ETA KITTO.– Beno, bai, kontutan hartu behar duzu gure aldizkarian ez dagoela talde-lanik. Aldian behin bildu, eta dagoenarekin ahal den bezala bete. Honek problemak sortzen ditu, guztiok ez bait gaude konforme gauza guztietan, eta adibidez niri (hau eritzi pertsonala da noski) ez zait gustatzen aldizkariaren edukia. Niretzat askoz ausartagoa behar luke, kontundente eta lotsagabeagoa. Baina guk egindako aukera irakurleei hitza ematearena da, eta beraiek dira linea markatzen dutenak.
"Azkenean Publizitatea Sartu Behar Izan Dugu"
ARGIA.– Atera dituzuen sei zenbakietan, inprimaketaren kalitatea oso nabarmena da...
ETA KITTO.– Izan ere, hasera haseratik eman nahi izan diogu kalitate minimo bat, ahalik eta gauzarik politena burutu. Ez dakigu lortu dugun ala ez, baina horren atzetik gabiltza. Gero, garbi ikusten genuen honelako aldizkari autonomo bat saltzeko, produktu erakargarria egin behar zela. Alde batetik ahalik eta irakurle gehienak biltzeko, eta bestaldetik geroni ere gustora gelditzeko.
ARGIA.–Publizitatea dela eta, zer esango zenukete?
ETA KITTO.– Gu beti kontrakoak izan gara publizitatea sartzeko eta froga hortxe dago: lehenengo bost zenbakietan ez dugu batere sartu. Gertatzen da zorrak gehituz joan direla, eta ehun eta pikotako zuloa estaltzeko, errekurtsu guztiak erabili behar ditugu. Orduan, seigarren zenbaki honetan anuntzioak sartu ditugu, gutxi baina sartu ditugu. Hain zuzen ere, ahal dugun arte aurrera egin behar da, eta gerora metodo guztiak saiatu.
"Gure Asmoak Beste Tokietara Kutsatu Nahi Genituzke"
ARGIA.– Eta experienizia hau beste tokietara eramaterik ba al dago?
ETA KITTO.– Hain zuzen ere, gure asmoetako bat horixe da: kutsatze-politika. Esan nahi da horrekin, izpiritu hori kutsatu nahi dugula, eta guk Donostian egin dugun bezalaxe, beste toki guztietan ildo beretik egin dezatela, ea denon artean hutsune hori betetzen dugun.
ARGIA.– Zer moduzko harrera jaso duzue salmenta aldetik?
ETA KITTO.–Ale batetatik bestera asko aldatzen dira gauzak, baina esan daiteke azken zenbakiarekin estabilitate minimo bat iritsi dugula. Mila irakurle baino gehiago zain daude ea hurrengo zenbakia noiz kaleratuko den, eta hori ez da gutxi gauden toki honetan.
ARGIA.–Eta segitzeko, zer nolako animoekin zabiltzate?
ETA KITTO.– Segitzeko adina, behintzat, badugu asmorik, eta ziutate honetako kaka guztia atera arte hortxe izango gara jo eta ke. Gure muga bakarra, gero eta maizago suertatzen ari den gobernadorearen debekua izango da. Ordurarte, tira!!
Jexus IJURKO
23-24

GaiezKomunikabidPrentsaAldizkariakEta Kitto
EgileezIJURKO1Komunikabid

Irakurrienak

Matomo erabiliz

Ertzaintzak herritar bati Irunen egindako erasoak haserrea eragin du

Lander Arbelaitz Mitxelena

"Zenbat dugun kontatzeko!" Euskal Herriko mapa sortu dute

Euskal Irratiak

54 urteko espetxe eskaera sei pertsonarentzat presoen ongi etorriak antolatzea egotzita

Xabier Letona Biteri

"Nire burua duela 20 urte bezain indartsu ikusten dut"

Euskalerria irratia | Miren Mindegia

Israel ahulduta eta Iran boterea hartuta

Asier Blas Mendoza

Zapaterok dio Ostiral Santukoaren gisako akordio bat egon zela ETAren amaieran

Xabier Letona Biteri

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude