Delta Hegalaldia: Hegan Egitearen Plazerra

1982ko ekainaren 13an

Deltan hegan egiten duen bati elkarrizketa
Xorien Pareko Airean Zehar
Delta Hegalaldia: Hegan Egitearen Plazerra
Berriro ere, Leonardo da Vincik arrazoina zuela frogatu da. Esan zuenean gizakiak ere xoriek bezalaxe hegan egin zezaketela ez zegoen hain desbideratua. Gaur egun, ez da derrigorrezkoa hegazkin batetaz ibiltzea aireetan zehar hegan egiteko. Leonardoren ametsa errealitatea bihurtu zaigu: aski da oihalezko triangelu handi bat oinak lurretik altxatzeko eta alturetako zorabioak sentitzeko.
Honako kirol hau–ez egin dudarik hau ere kirola denik– praktikatzen duen butekin izan gara hizketan, eta egia esan, berak esandakoak entzun eta gero, pena handiagoa ematen digu beharrezko atrebentzia ez edukitzea haien gisa hegan egiteko.
Duela zenbat hasi zen praktikatzen kirol hau Euskal Herrian?
Esan genezake duela urte pare bat hasi zela indarra hartzen. Aurretik baten batzu hasi ziren bere aldetik saioak egiten. Hegalaldi librearen aintzindariak ziren haiek. Gero eta gehiago indartuz joan da, eta gaurko egunean, elkarteak ere sortuak dira zenbait hiriburutan. Bertan bildu egiten gara horretaz arduratzen garenok, eta dagozkigun arazoetaz aritzen gara.
Zuk zer eskatuko zenioke tipo bati baldintza bezala kirol honetan hasi baino lehen?
Nire ustez imajin but baztertu beharra dago: supergizonaren imajina. Hegalaldi librea egiteko, ez da beste munduko gizon edo emakumerik izan behar. Baldintza pisudun bat dago derrigorrezkoa, bakarra esango nuke nik: hegan egitea maitatzea. Norberaren gorputza airean zintzilik sentitzeko grina daukanak, azkenean horrek egingo du, eta ondo egingo du gainera abilitate minimo bat baldin badauka.
"Berehal Ohitu Egiten Zara"
Bai, baina hor goiean ibiltzeko ausardi aparta beharko da, ezta?
Ez pentsa, haseran beldur apur bat baduzu, beldurra baino gehiago ezjakintasuna eta nerbiosismoa, baina ibiliaren ibiliz berehala ohitu egiten zara. Bertigoa ez daukan edozein pertsonak egin dezake hegalaldi librea.
Zer moetatako materialea behar da horretan aritzeko?
Oso sinplea da, kanpotik ematen duen baino simplea goa. Materialea bi elemenduz osaturik dago: ohiala, belauntziek erabiltzen dutena bezalakoa; eta tuboak, tamaina desberdinetakoak estruktura metalikoa osatuz. Oso simplea da baina aldi berean oso ongi neurtua eta ekilibratua behar du. Pentsa zabalera hamar metrotakoa duela, eta pisua hogeitabost kilotakoa besterik ez.
«Saiatzearen Poderioz Ikasten Da»
Zaila al da horrelako tramankulu bat gidatzea?
Hori bakoitzaren trebetasunaren neurrian dago. Kontutan izan erakutsi daitekeena oso gutxi dela, astebetean ikas daitekeena: nola mugitu gorputza, zein haize-korronte dauden, etabar. Hortik aurrera saiatzearen poderioz ikasten da: hasi altura txikietatik botatzen, azkenean, ehunka metrotatik bota arte. Azkenik, korronteak nola aprobetxatu eta aparatoarekin konpenetrazioa lortzen duzun neurrian, gustorago sentituko zara, eta horren aranera ere trebatu egiten zara.
Delta hegalaldia edo hegalaldi libreari egiten zaion kritikarik handiena ziurtasunik eza izaten da. Noraino da egia?
Delta hegalaldia kirol arriskutsua dela pentsatzen dutenak oso desbideratuak daude. Gaur egun dauden teknikekin, ia inposiblea da materiale aldetik okerrik gertatzea. Egon daitezkeen istripu ia gehienak, beraz, pertsonaren arauerakoak dira hau da, kontuz ez ibiltzearen ondorioz. Egia da nahi baino istripu gehiago suertatu direla. baina guztiak pertsonaren ondorioz izan dira. Huts egiteko arriskurik gabe esan daiteke istripurako arrisku guztiak ezaba daitezkeela.
Jendeak esana da ere dirudunentzat soilik dela kirol hau, garestia dela alegia...
Begira esango dizut zenbatetan ateratzen zaizun. Garestiena Delta hegalak dira, derrigorrez erosi beharrekoak, eta horiek gutxi gora behera ehun mila pezeta balio dute, beharbada piska bat pasata. Gainerako gastuak oso txikiak dira: kaskoa, parakaidas txikia, botak etbar. Atera hortik kontuak... nik ez dut esaten izugarri merkea denik, baina edozein langileren eskutan dagoela bai.
"Euskadi Oso Lurralde Egokia Da Hegalaldi Librerako"
Eta kondiziorik ba al dago Euskadin kirol hau praktikatzeko?
Horretan esan dezakegu suerte ona daukagula, oso herrialde egokia bait da Euskadi kirol hau praktikatzeko. Hemen beti dago haize-korronteren bat, txiki-txikia bada ere eta beste lurraldeekin alderatuz, oso aproposak dira gure lurrak horretarako.
Haize-bolada indartsua behar al dute Delta hegalek airean irauteko?
Egia esan, oso indar txikiko haizeekin molda daiteke, ia ia haizerik gabe. Problema da gutxi hori ongi aprobetxatzen jakitea. Nik ikusi izan ditut oso onak direnak ia haizerik gabe ibiltzen, baina hori zaila da. Berehala nabaritzen duzu soinuagatik noiz aprobetxatzen duzun ondo haizea, eta noiz ez. Ez baduzu soinu egokia entzuten, gorputza balantzaka mugitu eta inpresio positiboa jasotzean ahalik eta gehiena mantendu.
"Bakarrik Alde Negatiboak Izaten Dira Aipatuak"
Asko al zarete horretara ausartzen zaretenok?
Gero eta gehiago, dudarik ez dago. Gaur egun. eta nik ezagutzen ditudala, berrogeiren bat badaude, eta oso posible da nik ezagutu gabe gehiago egotea. Problema da oso gutxi entzuten dela, eta entzuten dena beti alde negatiboak aipatzeko izaten dela. Bere aldeko alderdiak ezagutaratiko balira, garbi dago askoz gehiago izango ginatekeela.
Eta zer esango zenioke zuk jendeari lehenengo pausak ematen has dadin?
Buf. ez dakit. Tontoak direla. Hegazkin batetan lehen aldiz ibiltzen denak beti komentatzen dizu: "zein zoragarria zegoen dena goitik ikusita", eta horretan konformatzen dira. Nik animatuko nuke jendea. kristal baten atzetik begiratu beharrean, zuzenean begiratzera anima daitezen. Ez duzu gonbaratuko haizearen freskura nabarituz eta zure hegalen soinu bakarrez...
Beno, soinuarena poesia hutsa izan daiteke, zeren motorrez ere ba omen dago, ezta?
Bai baina hemen oraindik oso teknika atzeratuekin gabiltza. Saio solteren butzu egin ohi dira, baina aitortu beharra dago hastapenetan gaudela modalitate horretan. Askoz abilidade handiagoa behar da motorrez ibiltzeko, ez bait da aski soilik hegalaldi libreaz jakitea, motorrari buruz ere jakin behar duzu. Hori bai, askoz seguruago da eta airean mantentzeko posibilitate handiagoak dituzu.
"Gero Eta Deltalari Hobeagoak Ditugu"
Nolabaiteko probak edota txapelketak antolatzen al dituzue?
Beno, zer edo zer antolatzen dugu, baina txapelketa zentzu handirik gabe. Neurri handiago batetan, demostrazioak izaten dira. exhibizioak. Lurreratze-probak egiten dira esate baterako. Bestetik, airean iraute-probak, etabar, etabar. Urteoro antolatzen dira, eta oso leku aproposak izaten dira horiek ikusi ahal izateko gure maila goraka ala beheraka doan. Eta argi eta garbi dago gero eta deltalari hobeagoak ditugula gure artean.
Lehen esan duzu nolabait elkarturik zaudetela. Zein moetatako elkarteak dituzue?
Federazio ofiziala Airezko Kiroletakoa dugu, baina inportanteena geronek eta maila txikiago batetan antolaturikoak dira. Hauek normalean hiriburu bakoitzean daude, eta taberna edota kiroldenda baten inguruan montaturik daude. Bere izenagatik ezagutuko dituzue, guztiek "delta", edo antzeko zerbait daukate eta.
"Inportanteena Aireetako Mozkorraldia Sentitzea Da»
Bukatzeko, eta kuriositate gisa, zeintzu dira hegalaldimoeta honetako errekordak?
Alturan, nik ezagutu izan ditut lau mila bat metrotara ibili direnak, baina horretarako abilidade aparta eta haizeekin suerte handia behar duzu. Airean irautearen aldetik, asko dira egun osoa airean pasa dutenak, nahiz eta maila txikikoen artean, ordu pare bat pasatzea izugarrizko lorpen handia izan. Ez dakit, hori guztia oso erlatiboa da, haize-korronteen arauerakoa neurri handi batetan. Baina inportanteena aireetako mozkorraldia sentitzea da, eta horretarako berezko sentsibilitatea behar da. Horrekin, eta erreflexu onak izanez, ez dago batere problemarik kirol honetaz gozatzeko.
Jexus IJURKO
22-23

GaiezKirolaBesteak
EgileezIJURKO1Kirola

Irakurrienak

Matomo erabiliz

Athletic zuri ta gorria, zu zara nagusia, baina zertan?

Juan Aldaz Arregi

Bollera subjektua erdigunean jartzera datorren hitzordua

Jenofa Berhokoirigoin

Kartzelako hormak zeharkatzen dituen ama-alaben arteko harremana hitz eta iruditara eramana

Estitxu Eizagirre

Izan bedi Nurenberg berri bat

Imanol Satrustegi Andrés

Neskak eta ikasketa zientifikoak: 6 urteetatik unibertsitatera bitarteko harreman gatazkatsua

Mikel Garcia Idiakez

Azkenak

2024-04-28 | Jenofa Berhokoirigoin

BOLLOTOPAKETAK

Bollera subjektua erdigunean jartzera datorren hitzordua

Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]

2024-04-28 | Olaia L. Garaialde

Gorputz hotsak

"Pianoa da konpainia izatea bezala, ez zara inoiz bakarrik sentitzen"

Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]

2024-04-28 | Axier Lopez

Dronea, munduko botere harreman desorekatuen ikur eta eragile

Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]

2024-04-28 | Miel Anjel Elustondo

Iñaki Soto. Erredakzioko kazetaritza ardatz

"Gure Herriaren etorkizuna eta hizkuntzarena batera joango dira"

25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]

2024-04-28 | Urko Apaolaza Avila

Migrazio eta Asilo ituna: Europaren legatu kolonialista denon begien bistan

Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]

Eguneraketa berriak daude