Tomas Goikoetxea:''Hernani" ... ''bi aldeak espazioan..."

1978ko apirilaren 30an

Tomas Goioetxea idazleari elkarrizketa
Tomas Goikoetxea:''Hernani" ... ''bi aldeak espazioan..."

Tomas Goikoetxea "Flanaghan" ez da gizon ezaguna, Ez da jakintsua ere. Gizon iluna da agian, hitzaren zentzurik zabalenean. Tomas Goikoetxea "Flanaghan" inguru konkretu batetan da ezaguna, ezker abertzaleko "jakintsuen" sektorean. "Tu ya sabes que el Flanaghan de Forges es un tio cachondo, un vaquero, en fin, un poco de la otra acera..." esaten du bere liburuaren parte batetan. Horrelakoxea baita Tomas, katxondoa, pistolarik gabeko bakeroa, beste espaloikoa; edo, agian, hobeto esateko, espaloi batetik bestera begira, hankak zabalik eta firme, pistoleratik boligrafoa ahalik eta arinen ateratzeko behatzak prestatuz, "qué bueno que hayas venido, Willy, date por muerto i" egoeraren larritasuna aztertzen duen bakerologoa.

Tomas Goikoetxea"Flanaghan"ek badu historia politiko luzea. "Gaur huts" liburuan ematen du historia horren zatitxo bat, orain bigarren liburuan, "Hernani"n, bigarren partea azaltzen digu. Gaur arteko bere bizi politikoari buruzko zenbait gogoeta politiko literarioa.
Has gaitezen Tomas Goikoetxearekin hizketan.
-"Gaurhuts" liburu polemikoa izanez aparte, Euskal Iraultzaren teoria osatzeko aportazio baliagarri bat izan da, iraultza horren alderdi dirigentea konfiguratzeko. Gaurhuts momentu politiko konkretu batetan azaldu zen, zein momentutan enmarkatzen da zure bigarren liburu hau, "Hernani "?
-Hiru koordenadez definitua datorkigu momentu hau: bata euskal iraultzak behar duen alderdia ez dela eratu, alderdi minorizatu batzu agertu dira, metodoagatik izan da gehienbat hau horrela. Bigarren koordenada zera izango litzateke, Marxismo-leninismoa erlatibizatu egin dela gaur Euskal Herrian. Hirugarrena, berriz, konberjentzia ez dela osatu; abstentzionismotik hasita HASIren basean erradikalizazio handia eta alderdiz kanpotik datozen influentzia asko somatzen dela.
-Zuk zuzenki bizi izan zenuen ETAren VII Batzarrea, EIA sortarazi zuen batzarrea. Batzarre hark eman al zuen EIAz aparte beste fruiturik?
- Baietz esango nuke nik. VII Batzarreak, Konberjentziak bezala, asmotan zuena lortu zuen... EIA jokaera politiko bat sortu du, jokera hau oso hurbiletik atxikitzen zaio poli-miliek orientazio politikoa sortzeko duten kapazitateari. Baina haien protagonismoaren eta apostuak bakarka egitearen ondarea ere jaso du.
VII Batzarreak HASIrunzko konberjentzi prozesoa sortarazi zuen Batzarrezale mugimendu eta autogestioa onhartzeak EHAS eta Eusko Soziatistetatik aparte geratzen zen zenbait sektore independiente konberjentzia horretan sartzea suposatu zuen. Mugimendu asanblearioa bultzatzen zuten zenbait sektore radikalizatuei lotua aurkitu zen Konberjentzia.
-Baina batzarrezale fenomenoa etendura fenomeno denez, klase dominanteak inposatzen duen sistematik etetzen da, ala, alderantziz, alderdien sistematik etetzen da, horien ideologiaz eta politikaz abstrazio eginez ?
–Euskal Herrian politizazio handia dago, politizazio honek karakteristika bereziak dituelarik. Batzarre fenomenoa abertzalea eta herrikoa da Euskal Herrian, nahiz eta fenomeno horren barruan korrente asko izan (kontsejismo berria, pasotak, etab). Fenomeno hau kontradiktorioa da. Euskal Herrian gertatzen den politizazioaren berezitasunekin zerikusi handia dute batzarrezale karakteristika bereziok.
–Zein dira Euskal Herriaren politizazio horren karakteristikak, zure ustez ?
-Herritar mugimenduaren barrenean ematen dela politizazioa. Zera da, nire ustez, politizazio horren klabea herritar mugimenduak langile mugimendua desplazatu duela.
-Hori zure ustea da, noski. Hortaz aparte zure liburuan "marko autonomoari" buruz teorizatzen hasi zara. Kontzeptu hori oso eztabaidatua izan da azkenaldi honetan. Eztabaida honetarako zer elementu aportatzen duzu zure liburuan?
-Teoria marxistan, marko autonomoa" definitzeko, Euskal Herria formazio sozial bezala definitu behar da eta hori frogatu. Horren ondoren "marko autonomoa" estrategia bezala hartu, eta gure kasuan. ezker abertzale sektorearen sorrerarekin klase borrokaren markoa nola autonomizatzen den frogatu. Hau da liburuan "marko autonomoa"–ren teoriari egiten diodan aportazioa.
Bestalde, eta aurrera jarraitu baino lehen, liburuan estrategia trilateralari buruz mintzatzen naizela aipatu nahi nuke, monopolista diren sektore aurreratuei buruz, alegia. Rockefeller, Agnelli, Alemaniako sozial-demokrazia, etab. estrategia berri bat markatzen ari dira intemazional mailan: Nixon-Kissinger bikotearen kontra, Carterren estrategia egokiago bezalia agertzen ari da monopolista sektoreen interesentzat. Hau ohar bat bezala aipatzen dut liburuan, eta elkarrizketa honetan ere ohar bezala utzi nahi dut.
-Hasieran aipatu dugunez, liburua bi zatitan banatua dago: bat politikoa eta bestea literarioa. Orain arte lehenbiziko parteari buruz mintzatu gara. Baina zergatik hori? Zergatik liburu politiko-literario bat?
–Ni, izatez, ez naiz ilustratua, eta gutxi irakurri izan dut betidanik. Niretzat, afizio bat bezala izan da literatura. Ni politikoa izan naiz beti, hitz horren ironia guztia kontutan hartuta. Orduan, nire herriko, Hernaniko, eta Euskal Herriko zenbait pasadizoz idazten hastea pentsatu nuen... eta pentsatu nuen eginkizun hau politika eta literaturaren bidez betetzea. Honela banatzen dita liburuaren bi tema hauk: ezkerreko orrialdean politika, eta eskubikoan literatura. -Oteizak hitzaurrean dioenez, ezkerreko partea elaborazioaren fruitu da eta eskubidekoa literario-artistikoa. Parte honetan badira zenbait irudi Hernaniko artistek eginak: Jon Zabaleta, Idarreta eta Popotxok.
–Zer da eskubiko orrialdeetan esaten dena?
–Herriko zenbait pertsonaia hartu, eta nobela gisa, zenbait gauza esatea da. Nobela horretan bi gai nagusi ukititzen dira: erotika eta sesualitatea, eta politika . Tradiziozko aitona biak azaltzen dira: karlista eta liberala... Azkenean espionala historia bat hasten da, baina hurrengo liburuan bukatuko da historia hori.

Tiro literarioa. Flaliaghanek. begiak fijo, jasotzen du boligrafo muturra aho pareraino, putz egin kea apartatzeko, eta pistoleran sartzen du esku mugimendu nagi batez. Qué, eta Willy bizirik. "Tintak ez dik hiltzen, bakero antijuduna".
KEPA AULESTIA
29-30

GaiezPolitikaEuskal HerrTaldeakAlderdiakEIA
PertsonaiazGOIKOETXEA1
EgileezAULESTIA1Politika

Irakurrienak

Matomo erabiliz

Umeak, poliziak, mikrobihotzekoak

Genozidioa gelditzeko eskatu du Gasteizko hezkuntza komunitateak Palestinaren aldeko ekimen jendetsuan

Zigor Olabarria Oleaga

Ekialdeko Afrikan, oztopoak oztopo, eurite aldaketei egokitzeko ekimenak martxan

Nicolas Goñi

Negu gorri, hondamendia iragarri

Gorka Peñagarikano Goikoetxea

"Portuak zabortegiak dira"

Elhuyar | Ana Galarraga

"Zenbat dugun kontatzeko!" Euskal Herriko mapa sortu dute

Euskal Irratiak

Azkenak

2024-05-13 | Gorka Peñagarikano Goikoetxea

Analisia

Negu gorri, hondamendia iragarri

Apirilaren 30ean, Espainiako patronala den CEOEk argazki horixe zintzilikatu zuen sareetan: ezkerrean dago Antonio Garamendi, CEOEko presidente den Getxoko semea; eta eskuinean Alfonso Santiago bilbotarra, musika festibalen munduan dabilen Last Tour promotorako burua, Eusko... [+]

2024-05-13 | Cira Crespo

Ukelele baten atzean Hawaii aurkitu nuen

2024-05-13

ANALISIA |

Umeak, poliziak, mikrobihotzekoak

2024-05-13 | Zigor Olabarria Oleaga

Genozidioa gelditzeko eskatu du Gasteizko hezkuntza komunitateak Palestinaren aldeko ekimen jendetsuan

Ehunka herritarrek egin dute bat hainbat hezkuntza zentrok, guraso elkartek eta sindikatuk antolatutako deialdiarekin, Palestinako umeak gureak ere badira. Genozidioa gelditu! lelopean. Sarea Euskal Herri osora zabaldu nahi dute sustatzaileek.

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

Eguneraketa berriak daude