ETAk zer dio?

1977ko urtarrilaren 23an

ETA erakundeari elkarrizketa

ETAk zer dio?
Diktadura zorrotzaren garaian sortua dugu ETA. Hitzetik hortzera demokrazia hitza dabil. Giro berri honetan ETAk ba ote lekurik eta egitekorik?
Aginte guztiek badute indar harmaturik. Euskal Gobernuaren indar harmatua ETA izango ote?
Militarrak zein aldetara makurtzen diren ongi jakin behar dute politikoek. ETAren alde edo aurka izan gaitezke, baina nahi badugu eta nahi ez badugu Euskal Herriaren alde borrokatu izan den indar harmatu bakarra berau dugu. Euskal Herriari erasotzen dion indar harmatuaren ondoan indar gutxi, du, noski. Baina badu indarrik. Nahitaez kontutan hartu behar dugun indarra da.
Zer dio ETA militarrak? Galdera honen erantzuna jakin behar dugu. Madrilen eta Euskadin.
Zer diozue Suarez-en Gobernuaren erreforma politikoaz?
Suarez-en Gobernuak, delako erreforma hori dela medio, zer egin gogo duen, argi da; espainol oligarkiaren nagusitasunari, iraunbide tieso berri bat eman nahi dio.
Berria, ezen badakiten, Carrero eta Franco gabe bereziki, gauzak ez daitezkeela lehengo hartan jarrai. Berrogei urtez, nahi bezala zanpabide guztiak eskuetan zituztela, esplotatu dituzte langileak, eta, halaber, zapaldu Estatuko Herriak. Denbora berean, ordea, asko gauza aldatu da, bai Estatuaren barrenean, eta bai kanpoan. Ekonomia eta gizartean ganbiamendu izugarriak gertatu dira; langileak eta Herriak burua altxatzen hasi dira; Europan sartzea obligazio bihurtu da oligarkiarentzat; gerra denborako mito faxista guztiak erraustu dira;...Honelatan, gaur egun, diktaturaz beste domina-molde baten jartzera beharturik aukitzen da oligarkia, eta horretan saiatzen dira haren gizonak.
Egia esan, ez da lan erraza haiena. Lehen lehenik, beraien artean, orain arte diktaturaren politikazko euskarriak izan diren batzu, beren pribilejioak gal beldurrez aiher baitzaizkio politikazko edozein aldakuntzari. Bigarrenik, liberalenek ere, badakitelako, behin soka askatuz gero, herri-oldarrak denak uzkail litzakeela; hots, balegokeela arriskua, hainbeste urtez beldurpean atxeki populuak golpez jazartzea, eta oraingo dominatzaileen nagusigoa perilean jartzea.
Horregatik zuhurki jokatzera obligatuak dira, opozixioan berean beste sostengu batzu irabazirik, Alderdi burjesetan partikulazki, gaur batzuen eta besteen interesak batetara baitoaz ororen buruan.
Jokabide honen emaitzak izan dira, Arias-en "irekidura asoziazionista" eta Fraga-ren "komunistarik eta abertzalerik gabeko demokrazia" ere. Bi entseiuok sortu bezain laster hil badira, Suarez-en oraingo hirugarren hau bide beretik doa. Ahal bezain arrisku guti harturik, oinarri politiko eta sozial zabalagoa eman anhi diote Francok beren gomendiotan utzi Errejimenari. Trantsizio-epe honetan -zeinetan Alderdi burjes erdirakoiak baizik ez baitira haizu izanen- antolatuko eta apailatuko ere dira geroko parlament-jokoetara giderrak eskuetan agertzeko ; orduan ere. noski, boterearen jabe beraik izateko.
- Suarezen erreformak, Espainol Estatuan demokrazia bat sorteraz dezakeela uste ahal duzue?
Espainol Estatuan -bego aipatzeke oraingoz Euskal Herriaren kasu berezia diktaturatik irten eta, demokrazia baten jartzeko, hara, gure ustez, zer litzatekeen, teorikoki behintzat, biderik normalena;
- Alderdi politiko guztien onespena;
- Alderdi horietan oinarrituriko behineko gobernu baten muntatzea, ahalik zabal eta errepresentatiboena;
Denbora berean, konstituziogintzan hastea, Herriak, epe labur baten buruan, askatasun osoan, libroki hauta ahal lezan demokrazia antolatuko lukeen lege Nagusia.
Ikusten denaz Suarez-en erreformaren bidez demokrazia sorteraziko dutela badiote ere, urrun daude hortarik Espainol Estatuko oraingo Gobernariak.
Noiz galdegin izan zaio Herriari, Estatua, Erresuma ala Errepublika izan behar zenez? Nork moldatu du orain proposatzen den konstituzio berria? Nongo eta noizko "Cortes"ek onetsi dute erreforma demokratizatzaile" hau? Nor dira, nork izendatu ditu, nondik ateraiak dira, zain poliziak zaintzen ditu demokraziaz hitz egitera datozkigun gobernariok?
Galdera horien erantzunek berek aski garbi darakusate non duen muga Suarezen erreformak. Itxura guztien arauera, hadirudi, eskaini nahi diguten "demokrazia espainol moldera", oraintsu arte gozatu ahal ukan dugun "demokrazia organikoaren" umetxoa dela. Ez da dudarik, oligarkia berak ere badakiela, nahi eta ez urrunago joan beharko dela, hots, ez dituela horren tuttiz erosten ahalko Herriaren txaloak.
- Baina, erreferenduma dela eta erreforma politika ez ote da herriak onetsia izan?
Fede oneko inork ez liro holakorik esan. Joan den abenduko errefereduma jokutria, abilezia galanta izan dela, hori bai. Baina demokrazia erakusketa bat?
Goseak hiltzen dagoenari edozein bazka eskainiz gero, hartarik janen du; pozoindatua izanik ere. Are gehiago ahotik- bortxaz sarterazten badiozu. Utz, ordea, libro, berak hauta ahal dezan bere hazkurria; orduan, duzu egiazki jakinen zer Juen nahi, zer gutiziatzen.
Halaber, Herriak zer lukeen gogoko jakiteko, libroki mintzatzera, utzi behar du. Aitzinetik nabaki hautu faltsu baten aurrean ematen bada, haren aukerak deus guti balioko du. Bereziki, kontrakoak isil iraiak badira, eta praondegiak preso politikoz oraindik ongixko beterik.
- Eta Euskadiri zagozkiotenez, zer diozue problema horiei buruz?
Gobernuaren jokabidearen demokraziarik eza, are nabariago da Euskal Herrian. Badirudi demokratizatzeko haieii nahikundea epeldu bezala egiten dela Hego Euskadin.
Altabada, azken urte hauetan nork du Euskal Herriak bezainbat odol eta negar isuri demokraziarentzat ?
Ez da harritzeko honelatan, erreferenduma izan dela eta, Euskadin gertatu bada abstentzio portzentajarik handiena; kontutan hartu gabe erabili dituzten axpikeriak.
Euskal Herriak problema berezia ematen dio Espainol Gobernuari, ez dakielarik horrek nondik nola lot euskal "min biziari". Berrogei urtez, zanpaka ari izan zaizkio, deus ere ondore onik atera gabe azkenean; ezen, horra, orain hor dituztela preso eta exilatuak, mututurik baina akusatzaile eta salatari, Herri guztia bildurik beraien alde. Eta gobernariak, berriz, Herri horren oihuari ezin ihardetsiz; demokrazia hitza aho-mihitan, baina gartzelak hustekoak eta polizia basaki joka eta joka kalean.
- Zer lirateke, zuen irudiko, Euskal Herrian demokraziarik izan ledin bete litezkeen baldintzak?
- Egiazko demokraziarik ez da frankismotik sortuko. Are gutiago Euskadin. mingarriegiak baitira frankismoak hemen utzi zauriak. Demokrazia, frankismoaren ukapenetik iragaten da; esan nahi baitu hark utzi ondorio guztiak baztertu beharko direla, haren jartzeko. Demokraziak zera esan nahi du: preso eta exilatu guztientzat, askatasuna; langileria, eta beste gizarte-sailentzat, beren buruaren libroki organizatzeko zuzenbidea; herritar gu~tientzat, politika-gauzetan libroki biltzeko eta organizatzeko deretxoa, beren ordezkarien hautatzeko libertatea, bai eta gisa berean, Herriko lege Nagusia beraiek hautesteko ahalmena. Esan nahi du Euskaldunentzat, euskara nazio-hizkuntza gisa ezagutua, eta erabilia izatea; Euskadiren arras bere gain jartzeko dretxoaren onartzea, eta, anartean, euskal auto-gobenu baten izatea; esan nahi du ere; sobera min eta oinazeren kausak izan diren indar zanpatzaileen deuseztapena, ez bailitzateke krediblea izanen, bere defentsa holako eskuetan utziko lukeen demokrazia.
Horik dira, guretzat, demokrazia bat izan lekin Euskadin, zer lortu behar litzatekeen.
- Egungo egunean, zer da ETAren lana, zer zuen eginbidea?
- Demokrazia posibla ditzakeen auzak erdietsi arte; hots, demokraziarik ezean gaudeno, ETA, orain arte bezala, jarraituko da burrukan. Inoiz inork besterik uste ukan badu, ezeztapenik borobilena emanen dio ETAk.
Politikoki, KASek markatu bideari jarraituko gatzaizkio, baina gure burrukasail berezitik hastandu gabe; hau da: bu rruka harmatuaren eremutik atera gabe.
- Baina, delako demokraziarako programa lortuz gero, zer eginen duzue?
- ETAren helburua, haren xedeak zer diren badakite orok ; Euskadi librea, horrek esan nahi baitu gaur egun, independentea; Euskadi sozialista, esan nahi baitu, hartan, klase popularrak, eta langileria denez gainetik, nagusi izanen direla; Euskadi batua, esan nahi baitu, Ipar eta Hego aldeek bat egina; Euskadi euskalduna ere, ote dago esan beharrik'? Gure burruka ez da, beraz, demokraziaren erdiestera mugatzen ; urrunago doa, ordea.
Horik hola, galda dakiguke demokrazia behin finkatuz gero, ez ote litzatekeen Euskal Herria. harmaz beste medioz burrukatu beharko, eta honelatan ETAk ez ote lukeen bere estrategia aldatu beharko.
Hasteko, dugun esan, ETAk ez dituela inoiz ere, are gutiago gaurko egoerari so eginik, harmarik gabeko bestc burrukamoldeak gutietsi, Izan da garai bat, hartan burruka harmatuak Euskal Herriarcn itxaropenak eta atzarpena gorpuztu baititu.
Orduko egoerak ekarri zerbait izan da hori. (iaur, egoera hori aldatu da, eta bada uste egungo haizeak erneki bada emeki, demokrazia-burjes batetara gararnatzala.
Ganbianiendu horren aurrean, ETAren lana hau dela diogu: Lehenbizikorik, egin ahalen egitea, egiazko demokrazia baten lehen bai lehen lortzeko erakustera emanez partikulazki, hori gabe, ETA ofentsiboki jokatuko dela, orain arte bezala, Bigarrenekorik, egiazko demokrazia (burjes-demokraziaren mugen barrenean, noski) erdietsi ondoan, jokabide defentsibo batetara iragan behar luke ETAk.
- Zeri deritzazue defentsibo?
- Burjes-demokrazia bera aitzinamendu ederren ekarle izanik, Euskal Herriak aitzinapen horik, maila guztietan, ez balitu zainduko. luza gabe, haien jaten hasiko litzateke burjeseria dominatzailea.
Bada, demokrazia batetan, ETAren lehen eginbidea, irabazi deretxo horien zaintzan litzake. Bigarrena, funtsezkoena, herri-aintzinlaritza harmatu baten eratzea izanen litzateke.
Ezen badakigun, demokraziaren beraren ariaz, Euskal Herria, espainol oligarkiaren nagusitasunaren guztiz hondatzeko perilean jartzen hasiko balitz, berau, orduaii, bere ahal guztiez oldartuko litzaiokeela, indarra ere baliaturik ezin bestean, hots, demokrazia bera bortxatuz behar izanez gero.
ETAren zer-egina holako batetan, Euskal Herriari, ihardokitzeko eta indarrari indarrez buru egiteko medioen ematea izanen litzatekc.
Hori guztia, "balitz"ka azaltzen badugu ere, ez da arras ameskeria. Zorigaitzez, iraganeko irakaspenek mesfidantza edo, hobeki, zuhurtzia horretara bultzatzen gaituzte euskaldunok Hainbat hobe oker bageunde, baina, oraingoz, ez gaitezke orain arte gure xehatzera hain tematuki bermatu direnen borondate onean fida. Are gutiago, kontutan hartzen baidugu, munduan barrena, orain arte beliintzat, biziki Iraultza gutik garaitu ahal iil an duela, harmen beharrik gabe...
- Herria zaindu nahi duzuenok, Hertzain-Erakunde bat bilakatuz, parte hartuko zenuketea Euskal Gobernu polizia-lanetan?
Ez, ezin pentsatzukoa da. Harik eta Euskal Iraultzak Euskal Estatu sozialista batetan gorputz egin arte, ETA, egitura ofizialetarik at egonen da, eta isileko erakunde bat izaten jarraituko da.
Arrazoiak sinpleak dira; alde batetik, Euskal Gobernu bat izaten bada, guti baino gehiago burjeseriaren eskuetan izanen baita, eta, partez bederen, oligarkiaren kontrola pean ere; horrek ekarriko baitu ondorioa, behin baino gehiagotan, haren poliziak, herri-sail zenbaiten aurka ari izan beharko duela. Bada, ETA den bezala iianik, nola nahi duzu hola joka dadin?
Bestalde, jada esana dugun bezala, ETAren futsezko lana, aitzinlaritza harmatu baten eratzea izanki, ez litzaioke posible izanen inolako erakunde ofizialetan sartzea, deseginen bailitzatcke orduan.
Ez, Euskal Gobernu bat izaten bada ere, Euskal Iraultzak klandestinitatean gorde beharko ditu bere militar-egiturak.
- ETAk CNV delakoan eta Euskal Gobernuan parte hartuko ahal luke?
- Gaurko Euskal Gobernuaz zer pentsatzen dugun aski ezaguna da, hartan sartzeko asmorik' ez dugula badiogu, inor er harritzeko.
Giza guztiz, egiazko euskal gobernu bat cdo mota bereko zerbait izan litekeen erakunde bat sortzen balitz, ez genuke hartan ere parte hartuko. Horrek ez du esan nahi kontra izanen ginatekenik. Ordea interes desberdin arteko hautsi-mautsiaren ondorioa izanez gainera, lorrek pegeen barrena jokatu behar luke eta berehalako helburu zenbaiten arauera. Eta, berez, bere izateaz, ez liteke partaide izan holako batasun batetan,. Areago, orduan, lagungarri baino, oztopo litzatekeela uste dugu.
Ez dagokio ETAri gobernuzko kargurik hartzea, ez eta epe laburreko alternatiba politikorik eskaintzea. Gauza horiei buruzko ETAren jarrera ezaguna da; inolako batasunetan parterik ez hartzea. Ofizialki, halarik ere, baina kanpotik, KASen alternatiba sostengatzen du. Egin ahalak eginen ditugu, beraz, KAS indart dadin, eta haren proposapenak burutan atera daitezen.
- Badirudi azken urte honean, espinol oposizioa gero eta kontzesio gehiago egiten ari zaiola Gobernuari. Zer deritzazue?
- Kontzesoiki egiten baditu, ez da harritzeko: hain denbora luzez atentismo hutsean egon ondoan, indar guti dute orain Gobernuari gogor egiteko.
Baina bego puntu hori horretan, urrunegi baikaramatzeke gauza honen aitzingibel guztien aztertzeak.
Bereziki azpimarkatu nahi genukeena horri buruz zera da: badirudiela kontzesio horik, Estatuko Herri zapalduen bizkar egiten direla; hos, espainol oposizioak, hautsi-mautsietan hasteko orduan, Eusdadi, Katalunia eta Galizia negozio-balio bezala tratatzen dituela.
Egia esan, ez zaio biziki gosta. Funtsean, berak ere, dakigun bezala, ez baititu begi onez ikusten. Herri haietako "partikularismoak", eta Euskadikoa bereziki, aski bihurri eta hezgaitz zaiolarik hemengoa...
9-10

Gaiez\Politika\Euskal Herr\Taldeak\Talde armat\ETA\Besteak

Irakurrienak

Matomo erabiliz

Nazio ala imitazio

Gorka Bereziartua

Negu gorri, hondamendia iragarri

Gorka Peñagarikano Goikoetxea

Amillubi martxan da

Estitxu Eizagirre

2x12: Hipofriga | Sexilioa

ARGIA

Umeak, poliziak, mikrobihotzekoak

Zigor Olabarria Oleaga

Hiru itun zail Kataluniako Generalitateko presidente izateko

Jesus Rodriguez | La Directa

Azkenak

2024-05-14 | Irutxuloko Hitza

Desokupako bi gizon Donostiako etxe bat ilegalki husten saiatu dira

'Desokupa kanpora' lelopean, elkarretaratzea egin dute larunbatean, etxebizitzaren aurrean.

2024-05-14 | Axier Lopez

Genozida eta bere lagunak

2024-05-14 | Axier Lopez

94 egunez gose greban dago preso politiko maputxe bat

Guillermo Camus Jara izena du eta Txileko Lebuko kartzelan dago. Egoera larrian da, gose greba luzeaz gain, ostiraletik egarri grebari ere ekin baitio.

2024-05-14 | ARGIA

LABek salatu du Amazonek "errepresio sindikala" egiten duela

Amazonek Trapagaranen duen lan zentroan grebalarien kontra "jazarpen eta zigorrak" darabiltzala salatu du sindikatuak

2024-05-13 | Gorka Peñagarikano Goikoetxea

Sei pertsona igo dira kapital israeldarra duen Bilboko NYX hotelera, boikota bultzatzeko

Larunbatean egin zuten ekintza, Bilbo erdigunean. Honela zioen pankartak: Bilbo Palestinarekin. Hiri antisionista. Israeli boikota. Hotelaren sarreran hamarnaka lagunek Palestinaren aldeko eta Israeli boikota egiteko deia egin dute.

Eguneraketa berriak daude