Euskal sindikalista batekin elkarrizketan

1976ko abuztuaren 29an

Ramon Arrasate sindikalistari elkarrizketa

Euskal sindikalista batekin elkarrizketan
Ramon Arrasate, Donostiako Hotel Monte Igueldo ko langilea, sindikalista, eta konbenio berri honen elkarrizketetan, Batzorde Mixtoan partaide izan dena. Hau dena dela-eta bererengana jo dugu eginiko lanaz iritzi bat eman diezagun eta bidenabar, Euskal sindikalista bezala zer bide ikusten dituen azal diezazkigun. Hona bada, elkarrizketa:
Z. ARGIA.-- Konbenio honen eztabaidatzeari maiatzaren inguruan ekin zenioten. Ordutik hona, Hosteleriako langileek kontzientzia hartzearen bilakaera azkar jasan dute, baina esanen ahal zenidake zein nolakoa zen sail horretako langileen egoera konbeniorako elkarrizketak hasi aurretik?
R. ARRASATE.-- Beti ere oso nabari izan zen gure egoera. Alokairu arazoan, erabat oínarrizko dena, sekulako desberdintasunak ziren bata besteen artean batez ere kategoria zatiketa zela bide. Hain zuzen ezin konta ahala kategoria zen, eta honela nagusiek nahi zutena egin zezaketen, kontrola oso zail gertatzen bait zen guretzat.
Bestalde « enlaze »en hautatzeak ukaiten genituelarik, kategoria apaletako jendeak ez zuen inoiz postu horietara sarrerik izaten, agian informazio falta erabatekoagatik eta egiazko sindikal praktikarik egiten ez zelako. «Enlaze» postuak beraz, ordezko ez zen jendeak betetzen zituen, gehienetan kamarero zirenak, eta bide hatez goi-kategorietan ari zirenak.
Problema latza, portzentaiarena izan ohi zen zeren "enlaze» horiek zuten postuagatik, ez bait zuten portzentaia sistimarekin bukatzeko ez asmo ez eta interesik.
Egia esan, zerbaitek gelditu erazi baldin badu Hosteleriako langileon erantzuna, portzentaia sistimak egin du, langileon artean sortzen zuen zatiketa eta eztabaida zela bide. Hemen, begien bistan ikus dezakegu "vertical»-aren eta entrepresarien joakoa.
G.-- Portzentaia sistimak, kalte handiak ekarri ditu langileentzat beraz. Azkeneko konbenioa erabat berriaren arauera, portzentaia sistima deuseztatzea lortu duzue. Baina sindikal praktika baten bidean, zein duzue egungo egoera; zein irtenbide dakusazu?
E.-- Langileon parte hartzea ez da benetazkoa izan, ordezkariak ez bait dira sekulan egiazko ordezkari izan. Hosteleriako langile gazte batzuren artean pentsatu genuen Hosteleriak, beste edozein sailen pareko bihurtu behar zuela eta bestelakoen antzeko estrukturatze maila bat lortu behar zuela.
Mementuon, nolabaiteko ordezkaritzatasuna badugula esan dezakegu, gure lanleku bakoitzetako batzarretan hautatuak izan bait ginen, eta honexek halabeharrezko erantzukizun bat eskatu zigun errepresentatzen genituen langileen aurrean.
Horregatik konbenio berri honetan aipatu diren pundu guztiak langileon batzarre nagusietan eztabaidatuz egin ditugu.
Nahiz-eta oraingoz, Hosteleriako langileon artean, erabateko kontzientzia hartze zabal bat eman ez baldin bada ere, esanen nuke egiazko ordezkari sistima batetan, beste edozein sailetako langileen politik-laboral kontzientzia, laster lortuko dugula guk ere.
G.-- Zein izan da, aurreko urteetan egtniko konbenioen eta aurtengo honen arteko desberdintasunik nabariena?
E.-- Desberdintasuna erabatekoa eta gainera salatzailea Izan da. Esan daiteke «bertical»aren bidez egiten diren elkarrizketa guztietan berak erabili egiten dituela, eta inoiz ere ez da elkarrizketa rurenik eta egiazkorik izan entrepresari eta langileon artean.
Aitzitik, «bertikal~ etik at egin ditugun elkarrizketetan, kontrakoa gertatu da, hots, aurpegiz aurpegi mintratu gara elkarrekin. Hemendik atera ondorloak...
G.-- Esanen ahal zenidake langile euskaldun bezala zein alternatiba hautatu duzun?
E.-- Euskal langile klasearen partaide naizenez, garbi dakusat, demokratiko izanen den sindikalismorako bidean, langileontzat eta langileon eskutan ukanen dugun sindikatoa eraiki behar dugula. Honekin esan nahi dut langile oro batu beharko ginatekeela Euzkadiko langile klasearen xede, interes eta eskubideak, -- gureak beraz -- lortzeko eta defendatzeko.
G.-- Eta Hosteleriako arlo konkretuari atxikiz, zer posibilitate erreal eta praktiko dakusazu?
E.-- Aurretik kontuan hartu behar dugu Hosteleriako langilegoa oso aldakorra dela eta beronexegatik askotan zail dela klase kontzientria garbi bat atxematea. Zentzu honetan, bada desfase handi bat arlo honen eta bestelakoen artean, industriako sailetakoekin adibidez.
Bestalde zail da sindikal praktika zabal baten desarroilatzea eta hedatzea, konkretuki Hostelerian bederen, gorago aipatu arrazoin horiengatik. Hau dena dela-eta, sail honetan oso beharrezko dugu sindikal demokrazia batetarantz egiazko azeleratze bat, mementu honetatik aurrera eta berehala!
Estepan Aldamiz-Etxebarria
11

GaiezEkonomiaerbitzuakKomertzioa
GaiezEkonomiaSindikalginSindikalist
PertsonaiazARRASTE1
EgileezALDAMIZ1Ekonomia

Irakurrienak

Matomo erabiliz

Ertzaintzak herritar bati Irunen egindako erasoak haserrea eragin du

Lander Arbelaitz Mitxelena

"Zenbat dugun kontatzeko!" Euskal Herriko mapa sortu dute

Euskal Irratiak

54 urteko espetxe eskaera sei pertsonarentzat presoen ongi etorriak antolatzea egotzita

Xabier Letona Biteri

"Nire burua duela 20 urte bezain indartsu ikusten dut"

Euskalerria irratia | Miren Mindegia

Efemeridea: Joxepa Antoni Aranberri ‘Xenpelar’ bertsolariak neskazaharrren defentsan bertso sorta argitaratu zuen

ARGIA

Israel ahulduta eta Iran boterea hartuta

Asier Blas Mendoza

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude