Lasarteko ikastola berria

1976ko uztailaren 04an

Pako Aizpitarteri elkarrizketa Lasarteko ikastola berriaz

Lasarteko ikastola berria
Etxe baten teilatua agertzen hasi da, muino baten gainean, zuhaitz artean. Ikastola ari da ikastetxe berria egiten. Urte Berritarako bukatua izango da esan digu Luis Tapia, etxagileak.
Oso beharrezkoa du Lasarteko ikastolak ikastetxe berria, Sei tokitan sakabanaturik ditu bere haurrak. Batzuk Usurbilgo Kalexarren, besteak Lasarten bertan, han-hemenka, barreiatuta. Usurbilgo udalari, Mai-Onari, Lasarteko mojei, Rekondotarrei Barbe familiari eta abarri gure esker ona agertu nahi genieke ikastolako batzordearen izenean, esan digu Pako Aizpitartek. Izan ere hoiek utzitako lekuetan dabil haur asko. Halere leporaino beteak dira toki guztiak.
-- Zenbat haur dituzue?
-- E.G.B. mailan 37? neska-mutiko ditugu. Hoietatik 69 usurbildarrak dira; 303 Lasartekoak. Eskolaurrean, berriz, 192 dabiltza: 42 usurbildar eta 150 lasartear. 564 neska-mutiko guztira.
-- Gero eta haur gehiago sartzen ahal da ikastolan?
-- Noski. 103 haur berrik eman dute ikastolan sartzeko izena dagoenekoz. Datorren urtean, beraz, 650 inguru izango ditugu. E.G.B. mailan 14 gela izango dira. Azkeneko bi urtetakoekin ez baina beste guztietan bi gela egin behar izaten ditugu adin berninekoekin. Eskolaurrekoentzat 7 gela ditugu: 5 Lasarten eta 2 Usurbilen. Eguberrietatik aurrera ikastetxe berrian izango dira E.G.B.ko guztiak.
-- Haurrak ugaltzen ari dira eta irakasleak?
-- Gezurra badirudi ere irakasleak sortu egiten dira, handik edo hemendik. Maixutza ikasten dutenen artean ikastolarako joera haundia da. Aurten bertan 7 irakasle berrik eskaini digute beren burua talde bezala. Ikasten ari diren garaian, zoritxarrez, ez dute ikastoletan praktikarik egiteko egokierarik. Askotan, zoritxarrez, titulu soil-soila dutenak hartu behar izaten ditugu. Magisterioko eskolan ez bait da euskararik eta euskal kulturarik irakasten. Dena den hutsune hau ere beteko dela uste dugu. Baina bienbitartean ikastolan lanean hasi eta gero bete behar izaten da zulo hori. Gure irakasleak saiatuak dira eta, han eta hemen, dituzten ikastaroetara joaten dira zerbait ikasi nahian. Eskolaurrekoek berek ere «puricultura»ko titulua atera zuten iaz, isil-isilik eta beren kontura.
-- Hezierari buruz eman ahal duzue urrats berririk?
-- Denen lana bateratzeko irakasle bat liberatu zen, zuzendari gisa, iaz. Batzordekoen eta irakasleen artean Prontxio Elortza aukeratu zen egiteko horretarako. Inork uste baino premiazkoagoa zen horretaz arduratuko zen bat. Ikastolaren martxa guztiaz, begi-belarri, arduratu behar duen norbait nahitaezkoa da. Sikolo bat ere erdi liberatu zen iaz. Aurten beste zereginik gabe hortara emana izango da Luis Mari Satrustegi. Beronen lanari esker E.G.B. bukatu duen bakoitzari ondoen datorkion bidea hartzen lagundu zaio.
-- IKASTOLA. gurasoak, batzordea, irakasleak, haurrak, herria, zer lokarri dute?
-- Ikastolaren martxan denak parte hartzea nahi genuke. Herrian txertatu eta itsatsitako ikastola bat nahi genuke. Hau dela eta bilera mordoska bat egin zen Batzorde eta Irakasleen artean. «Giza-gintza eta herrigintza ikastolan» deitu helburu eta antolamendua jarri zen martxan Eguberriak aldera. Baina Michelingo huelgak arazo bereziak sortu zituen eta geldialdi bat egin beharra izan da. Denok parte hartzeko bide bat martxan jarri nahi izan da.
-- Buruhasterik haundiena, halere, ikastetxe berriak emango dizue noski.
-- Batzordeari buruhasterik haundiena, zalantzarik gabe, ikastetxe berriak ematen dio une honetan. Bilera asko, ordu asko eramaten ditu arazo honek. 24 miloiko obra da. Estatuak modu onean dirua aurreratuko digula uste dugu, «gizarterako interesgarritzat» ezagutuko duela bait dirudi. Bien bitartean Aurrezki Kutxei eskatuko diegu. Lan Kide Aurrezkiak onartua du gure eskaria. Besteek ere onartuko dutelakoan gara. Haurren hezierarako ondoen datorren etxea jaso nahi genuke. Diru asko da eta diruari begiratu egin behar zaio, baina ez haurren hezierarako kaltetan.
-- Aspaldiko ametsa egia bihurtzen ari duzue.
-- Orain dela hiru urte erosi genituen 15.000 m2 1.500.000 peztatan. Gurasoen artean bildu zen diru hori. Metro lurra 100 pezta nahiko merke zen. Berehalaxe etxearen proiektoa egiteari ekin zitzaion. Lehiaketa Joakin Monterorenak irabazi zuen. Donostiako sailak eta baserri lurrak direnez gero, hor ikastetxea egiteko, baimena lortzeak denbora asko eraman digu. Baina obrak aurrera doaz. Presupuestoak eskatu eta aztertu ondoan Luis Tapiari eman zitzaion. Gremio lanekin ere berdin egin zen. Ikastolako gurasoen esku geratu dira gehienak. Martxoan hasi ziren lurrak urratzen eta Urte Berritarako bukatua izango dela uste dugu.
-- Herriz herri dabilen ikastolako haur-taldea ezaguna da Euskal Herrian.
-- Algortan, Donibane Lohitzunen, Eibarren, Arrasaten, Azpeitian, Donostian eta Euskal Herriko leku askotan izan da Lasarteko ikastolako taldea. Bixentek eta Felixek ikaragarrizko lana egiten dute. Astean bitan 200en bat haur ihardun ohi dira dantza ikasten. Lehen saria, txapelketa askotan irabazi dute. Hoiek moldatzen dute lhauteri taldea ere. 40 neska-mutikok egiten dute jaialdi hau. Ezaguna da Euskal Herrian.
Herrialde
24

GaiezGizarteaIrakaskuntzEskolakIkastolakIkastolak
PertsonaiazAIZPITARTE1
EgileezHERRIALDE1Gizartea

Irakurrienak

Matomo erabiliz

54 urteko espetxe eskaera sei pertsonarentzat presoen ongi etorriak antolatzea egotzita

Xabier Letona Biteri

Pastoral bat Iruñearendako

Amets Aranguren Arrieta

Ertzaintzak herritar bati Irunen egindako erasoak haserrea eragin du

Lander Arbelaitz Mitxelena

"Nire burua duela 20 urte bezain indartsu ikusten dut"

Euskalerria irratia | Miren Mindegia

"Zenbat dugun kontatzeko!" Euskal Herriko mapa sortu dute

Euskal Irratiak

Israel ahulduta eta Iran boterea hartuta

Asier Blas Mendoza

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude