Iñaki Dorronsorok «Txapak», Gipuzkoako Jabalinalarien Marka Hautsi Zuen

1970ko irailaren 20an

Iñaki Dorronsorok «Txapak», Gipuzkoako Jabalinalarien Marka Hautsi Zuen
Izenburuko gertakizun hori dela eta berarekin elkarrizketa bat izatea pentsatu dut. Alde batetik laguna dudalako eta bestetik berriz Euskalerriko kiroltzaleen artean ezagutua izateko hainbat eta gehiago egina delako. Eta beste agerpen apartekorik gabe hutz dezaiogun berari agertzen.
–Non eta noiz jaio hintzen?
–Ataungo San Gregorio hauzoan, 1947-gngo Irailaren 14-ean
–Jaiotzaz Ataundarra izan arren, bizitzaz Beasaindar egina hago; noiztik?
–Sei edo zazpi urte nizkianetik.
-Noiz hartu huan jabalinalari izateko bidea?
–Hamabost urterekin, Tarragonako Unibertsidade Laboralera joan ninduanean.
–Nork lagundu dik gehienik hori lortzen?
–Orain Bilbon dudan irakasleak
–Orain nongo taldean hago?
–Tolosa C. F. taldean.
–Gaizki ez banegok, Perito Industrial ikasketak egina haiz eta orain Bilbon Injenieroenak ikasten ari haiz. Kirolak behin edo behin galerazi ahal dik hire ikasketarik?
–Ez. Galerazi ez-ezik, lagundu egin zidak. Gorputzaren osasunak adimena bizkortzen dik.
–Nola joan dituk igotzen hire markak urteen buruan?
–Era honetan:
1966-an 54 metro eta 78 zentimetro
1967-an 59 metro
1968-an 62 metro eta 6 zentimetro
1969-an 65 metro eta 78 zentimetro
1969-an 69 metro eta 22 zentimetro
Hiru lehenengo urte horietako udara osoak soldadu igaroak dizkiat eta... ba dakik..
-Abiada honetan berehala haiz ludiko txapeldun!
–Hori zaila duk. Gainera gagozen lurretan gauzak azpitik aldatu arte ez zegok horretan pentsatzerik.
–Kuriosoak jakin dezaten ere zerbait galdetu behar diat. Zer pixu eta luzera dituk?
–Luzera metro bat eta 82 zentimetro eta pixua berriz, neguan 91 kilo eta udaran forman jarritakoan 86 edo 87 kilo.
–Zeintzuk dituk orain arte hik irabazitako saririk garrantzitsuenak?
–Juvenil mailan hiru aldiz bigarren egina nauk Espainian. Junior mailan Tarragonako marka jarri nian. Kantauriko Jokoetan ere joko horietako marka diat. Igaz, Gipuzkoako txapeldun izan ninduan. Aurten Gipuzkoako marka jarri diat eta Espainian hirugarren geratua nauk.
–Gipuzkoako marka hautsi berria haiz. Hain xuxen ere Iruñen hautsi huan Apirilaren 26-an 69 metro eta 22 zentimetro boteaz. Euskalerriaren barruan nola aurkitzen haiz marka honekin?
–Nik dakidanez lehenengo eta orain arteko markarik onena duk.
–Zer helburu dadukak oraingoz jabalinalari bezala?
–Aurten 70 metrotik pasatzea eta datorren urtean 75-etik. Hauen baietz edo ezetzak esango diate aurrerakoa.
–Nola ikusten duk atletismoa Euskalerrian?
–Orain apur bat jetxi ote dan negok baina gazteria artean mugimendu berria nabari duk eta itxaropena diat. Gehiago egiten ez badiagu, aritzen ez garelako duk. Gipuzkoa ikusten diat lehenik Bizkaiak jarraitzen diola. Naforroa eta Araba atzean zegozek eta beste aldeko berririk ez diat.
–Diru aldetik nola zegok gauza?
–Xoxik ere ez. Noiz edo noiz zerbait izaten duk baina bizibide bezala batere ez.
–Zenbat odu sartzen dituk orain hire soinketa eta jabalina saioetan?
–Neguan ordu t'erditik bi ordutara. Udaran bi ordutik bi ordu t'erdira. Neguan saio gogorragoak eta udaran lasaiagoak.
–Ikusten dugunez benetako afizioz eta nork bere buruari kontu hartuaz bakarrik lortu daitezke horrelako mailak. Zer afizio dituk jabalinatik at?
–Mendia eta edozein kirol futbola kendu ezkero. Pelota, Balonzesto, Igeriketa eta abar... Deportetik at berriz munduko tokien eta gertakizunen berri ahal dudan guztia jakitea.
–Hiretzat gaur, nor duk munduko jabalinalaririk onena?
–Lusis rusiatarra. Nahiz eta markarik onena ez eduki, beti berdintsu zebilek. Horregatik duk onena neretzat.
–Zer esango hieke gaurko gaztetxoei heuren osasunetaz, atleta gai bezala ikusita?
–Behin ere moralik ez galtzeko eta saiatuaz heuren buruari zintzo kontu hartu ezkero, lehenago edo geroago helduko direla goi mailara. Euskalerrian gai asko zegok baina gutxik zekitek kontu hartzen eta saiatzen.
–Zerbait gehiago esan nahi baduk Zeruko Argiaren irakurleentzat...
–Lehenik eskerrak eman behar dizkiat eta esan ere bai, asko pozten nauela albistari batean atleta baten pentsamenduak azaltzeak. Gauza hauek uste ez dugun edo iruditzen ez zaigun interesa bai die beste zenbait gairekin batean herri baten zibilizazio maila azaltzeko. Herririk aurreratuenek behintzat horrela jokatzen die. Eta bukatzeko aqur guztioi.
Hauek dituzute irakurleok, euskaldun atleta gazte baten iritziak. Zailduta eta zailtasunari aurpegi emanda ateratako batenak! Izan ere hori da bide bakarra zerbait lortzeko. Beraz beste gabe, hemen bukazen dut nere jarduna. Orain euskaldunok gure benetako atletek gehiago ezagutuko ditugun itxaropenarekin agurtzen natzaizue.
MURUMENDI
IÑAKI DORRONSORO "TXAPA" bere bota-aldi batean.
10

GaiezKirolaAtletismoa
PertsonaiazDORRONSORO4
EgileezMURUMENDI1Kirola

Irakurrienak

Matomo erabiliz

4x16: Sarasua bueyeroa da

Beranduegi | ARGIA

"Batasun estrategikoa lantzen ari gara Europako Alderdi Komunista sortzeko"

Xabier Letona Biteri

Infiltratutako beste polizia bat atzeman dute Madrilgo hainbat kolektibotan

Gedar

Adimen artifizialaren esku utzi du palestinarren hilketa Israelek

Jenofa Berhokoirigoin

Efemeridea: Donostia inguratzen zuten harresiak eraisten hasi ziren

ARGIA

Efemeridea: UEMA sortu zuten hemeretzi udalek, Udalerri Euskaldunen Mankomunitatea

ARGIA

Azkenak

2024-05-06 | Mattin Jauregi | Inaxio Arin | Balerdipeko erleak

Lan banaketak

Gizakiok ez bezala, erlauntzako hiru partaideek jaiotzetik dituzte eginkizunak argi.

2024-05-06 | Nagore Zaldua

Arrosarioa, sexu-estrategia aurrerakoiaren adierazle

Itsaso zabalean bada izaki lirdingatsu bat, gorputz gardenekoa, bitxi bezain ezezaguna. Aitzitik, ezin esan genezake ezohikoa denik, haren banaketan munduko itsaso gehienetara zabaltzen baita, Kantauri itsasoa barne. Batzuetan bakarka topatu daitezke, besteetan aldiz lepoko edo... [+]

2024-05-06 | Jakoba Errekondo

Intsusa lore edariak

Edanari emateko prest? Uda atari hau aproposa da gero berokoak etortzean ez lehortzeko edariak destilatzeko. Hezetasunari eustea garrantzitsua da gorputzari bere onenean atxikitzeko, eta etxean sortutako mamarekin bada zer esanik ez.

2024-05-06 | Garazi Zabaleta

Erlauntzako airea arnastearen onurak

Eladi Balerdi erlezainaren eta Jose Manuel Atxaga erleen zale sutsuaren arteko elkarlanetik egitasmo berritzailea sortu da duela gutxi. "Arnastu erlauntzaren airea" eta "Erleen sauna" jarduerak proposatu dituzte, konbentzituta baitaude onuragarri direla... [+]

2024-05-05 | Jenofa Berhokoirigoin

Adimen artifizialaren esku utzi du palestinarren hilketa Israelek

Titularra irakurri eta baten batek pentsatuko du esajerazio bat dela, neurriz kanpoko orokortze bat egin duela kazetariak. Israelgo informazio zerbitzuetako sei langile ohien lekukotasunetan oinarrituriko 'Lavender': The AI machine directing Israel's bombing spree in... [+]

Eguneraketa berriak daude