Gazte eta bizi
Aste osoko plana prestatu zuen Bilboko 7 Katu gaztetxeak urtarrilaren 27tik otsailaren 2ra, 13. urteurrena ospatzeko. Zenbaki madarikatua batzuentzat, itsusia beste batzuen iritzian, biribil-biribila ez behintzat, baina edozein gaztetxerentzat 13 urtera heltzea lorpen handia denez, gogoz ospatu zuten, aurreko urte guztietan egin duten legez.
Gazteek egina eta gazteengan pentsatua da, noski, gaztetxe bateko programazioa, baina 7 Katukoek auzoko eta Bilbo guztiko jendea erakarri nahi izan zuten urteurrenean, gazte zein heldu, eta, horrenbestez, larunbateko kontzertuetara inguratu ginen zenbait zaharruno, egitarauak bultzatuta: Amooma, Trikoma eta Suaia & Ama Rebel. Talde gazteak, oholtzara igotzeko gogotsu.
Gaztetxeko atearen parean, Solokoetxeko eskilaretan, ilara luzea aurkitu genuen, barruan ez baitzen inor gehiago kabitzen. “Urteurrena feminista izango da, edo ez da izango”, kanpoko pankarta handia irakurtzeko astia izan genuen. Gero eta jende gehiago sartu nahian, irteteko gogoz gutxi, baina bost minutuan barruan ginen hala ere. Ordurako, Amooma taldea indar betean ari zen errepertorioko onena ematen.
Zer: Amooma, Trikoma eta Suaia & Ama Rebelen kontzertua.
Non: Bilboko 7 Katu gaztetxean.
Noiz: Otsailaren 1ean.
Funk oinarriaren gainean, hitz aldarrikatzaileak elkarren atzetik josi zituzten Amoomako abeslariek, erritmo lasaiagoz batzuetan, rap errima biziz gehienetan. “Zorionak zuri” abesteko tartea ere hartu zuten. Aretoa gainezka, entzuleak musikariengandik zentimetro gutxitara (agertokia ez da batere altua 7 Katun), jendea gustura, gau handietan legez, batzuk telefonoetan kontzertua grabatzen.
Giroa baretu zen Amoomakoek amaitu zutenean, baina berehala piztu zen sua berriro, Trikoma oholtzan agertu eta berehala. Tronpeta hotsa, gazteak saltoka, eta heldu batzuk ere bai, gu ez baikinen hango zahar bakarrak, gutxiengo nabaria ginen arren. Gaua biribiltzeko, Suaia & Ama Rebel aritu ziren, jo eta ke. “Dantzatzen duen herria ez da inoiz hilko”, zioen gaztetxeko horma batek.
Gaualdi ederra izan zen, eta gazteak protagonista nagusi: Antolatzaileak, publikoa, musikariak, denak gazte-gazteak. Belaunaldi berriek ez dakitela lehengoek bezain ondo pasatzen? Mundu digitalean baino ez direla bizi? Haiekin mundua pikutara doala? Bai zera, 7 Katu da uste horien kontrako froga, gazte aktiboak daude han, bizi-biziak, gizartearekin eta kulturarekin konprometituak. Urtarrilaren 30eko grebagatik, urteurreneko ekitaldi batzuk bertan behera utzi zituzten, eta laster egingo dituzte, norbait gehiagorako gogoz geratu bada. Bestela ere, 7 Katu Bilboko Zazpi Kaleetako ardatz kulturaletako bat da, Lautan Hiru antzerki laburren zikloari, Gazte Sortzaileak dinamikari eta beste proposamen ugariri esker. Urte askotarako, 7 Katu!
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Kabia gune okupatuaren 19. urteurrena ospatzeko jarduerak egingo dituzte gaurtik domekara bitartean, apirilaren 24tik 26ra. Bi hamarkada betetzear dagoen gune autogestionatu honek hainbat gorabehera izan ditu bere ibilbidean, eta, Udala bultzatzen ari den Hiria Antolatzeko Plan... [+]
Gernikako "gazte langileen interes eta beharrei" erantzungo dien proiektu bat martxan jarriko duela adierazi du Egurre Gazte Asanbladak. Eraikina duela hamar urte itxi zuten, eta salatu dute Gernikako Udalak hiru legegintzaldi daramatzala esanez liburutegi bat jarriko... [+]
Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.
Pasa den asteko "kaleratze ilegala" salatu dute hainbat herritarrek, ostiral arratsaldean.
Manifestazio jendetsu batek herriko kaleak zeharkatu ditu, Poliziaren gehiegizko dispositibo batek zainduta, gazteek kudeatutako guneen defentsan eta Gaztetxeak erasoen aurrean defendatzeko. Manifestazioaren amaieran, publiko egin dute iragarpena.
Amenabar enpresak Bilboko Udalaren eskutik apirilaren 4rako agindu duten desalojoaren kontra azaldu dira bilkuran. Poliziak indarrez kanporatu ditu. Ostiral honetan18.30ean, Errekaldeko Plazatik hasiko den manifestaziora batzeko deia luzatu dute gazteek, baita desalojoaren... [+]
Bilboko Udalak eta Amenabar enpresak proiektu urbanistiko baten pean itxi nahi dute 10 urtez auzoko bizitza sozialaren erdigunea izan den topalekua. Horren aurrean, hiriko 55 kolektibok baino gehiagok manifestu bat sinatu dute prozesua gelditzeko exijitzeko.
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]
EH Bildu agintean dagoen udalak gaztetxearen etorkizuna ziurtatzeko aterabide bat adosteari "uko" egin diola salatu du Burlatako Gazte Asanbladak. Beste hainbat gaztek udaletxe kanpoan kanpatu dute, eta goizean zehar bertara hurbiltzeko dei egin dute.
Iruñerrian bat egin dute hainbat Gazte Asanbladak, Burlatako Gaztetxearen alde. Etxarriren desalojoa gelditzera deitzeko, bestalde, manifestazio bat antolatu dute Bilbon hilaren 28rako.
Asteburu honetan hasiko da Gaztetxeak Bertsotan egitasmo berria, Itsasun, eta zazpi kanporaketa izango ditu Euskal Herriko ondorengo hauetan: Hernanin, Mutrikun, Altsasun, Bilboko 7katun eta Gasteizen. Iragartzeko dago oraindik finala. Sariketa berezia izango da: 24 gaztez... [+]
Errekaldeko Gaztetxearen aurkako huste-agindua heldu da jadanik. Espazioa defendatzera deitu dute bertako kideek.