Abentura bizia

Zank & Zoe. Mendi beltzeko munstroa. Mikel Valverde.
Ilustrazioak: Mikel Valverde. Itzulpena: Ramon Olasagasti
Elkar, 2019.

Zoe zortzi urteko neska da, eta gai da Zank bere txakurraren zaunkak ulertzeko. Bizikletan ibiltzea oso gustuko du, baita laguntza premia duenari laguntzea ere. Horregatik, beti saltsaren batean sartuta dabil”. Hitz hauekin aurkezten zaigu liburu hasieran Zoe, Zank bere txakurrarekin batera liburuko protagonista nagusia.

Mikel Valverdek, aurretik Rita-rekin egin bezala, neskatila baten abenturak kontatzen dizkigu sail honetan (Zank & Zoe bilduma bat izango delako liburuak atera ahala), eta gaztetxoei hainbeste gustatzen zaien errealitatea eta fantasiaren arteko nahasketa darabil istorio bizi eta entretenigarrian murgiltzeko.

Valverdek gaur egun herri eta hirietan gero eta gehiagotan gertatzen den arazo bat du abiapuntu istorio honetan; denda txikien krisia. Zoe eta Zank Tea andrearen gozo-dendara doazela hasten da kontakizuna, igandero egin ohi duten moduan bientzat “gozamena zen bisita” egitera doaz. Baina Tea andrea goibel dago, eta atzean kartel bat “Gozotegia ixtera goaz” dioena.

Gertakari horren aurrean Zoek eta bere familiak zerbait egitea pentsatzen dute, zerbait Tea andrearen gozotegia ezaguna izan dadin eta aurrera egin dezan. “Tea andreak bere gozotegiaren publizitatea egin behar du, baina modu berritzailean!” aitonaren ideiatik abiatuta, eta ikusita Zoek duen indarra, abilezia eta trebezia bizikleta gainean, lasterketa batean parte-hartzea erabakitzen dute.

Liburuan zehar lasterketa hori prestatzen eta korritzen duten bitartean jazotakoak biltzen dizkigu egileak (testuaren bidez, baina baita ere, eta ez bigarren mailan, ilustrazio ugari eta egokien bidez), hainbat gertakari eta pasadizo, batzuk maltzurrak, beste batzuk umoretsuak bilduz, gertakariz jositako lanean. Baina liburuari izenburua ematen dion Mendi beltzeko munstroa-k ere badu bere papera, eta ez txikia, kontu sozialak eta baita ekologikoak ukitzen dituen abentura honetan. Baina munstro hori nor den eta zergatik jokatzen duen jokatzen duen moduan jakiteko onena izango da Valverderen istorioan murgiltzea eta Zoerekin eta Zank txakur bizkorrarekin gozatzea… beraiek Tea andrearen pastekin gozatzen duten bezala!


Azkenak
Ekofeminismoaz, motozerra eskutan

Duela hilabete inguru, unibertsitateko kide gizonezko baten liburu aurkezpenean ginela, egoera bitxi samarra gertatu zitzaigun. Ekologiari buruzko liburua zen eta erreferentzien artean hainbat pentsalari ekofeminista zeuden. Egileak, baina, inongo momentuan ez zuen aipatu... [+]


2024-06-17 | Jakoba Errekondo
Udaberria jan dezagun mikatzetik

Arabako Errioxako udaberriak ez dauzkat ahazteko. Urte dezentetan harrapatu ditut sasoi horretako loraldi betean hango mahastiak eta harrigarria da; laburra da paisaia berria, baina iraupen motz horretan begien sabaia erretzen du eta ordura artekoak ahantzarazten.


2024-06-17 | Nagore Zaldua
Itsas dortokak lozorrotik esnatu ote dira euskal kostaldean?

Udako solstizioa gerturatzen ari den honetan, euskal kostaldean itsas dortokak ikusteko aukerak ugaritu dira. Gure uretan ezagunena Egiazko kareta (Caretta caretta) da. Ale helduen oskolaren batezbesteko tamaina, 120 cm-ko luzera zuzenera eta 200 kg-ko pisura irits daiteke... [+]


2024-06-17 | Garazi Zabaleta
Lurbizi
Lurraren bankua sortzen, nekazaritzarako oinarrizko baliabidea bermatzekoa

Oiartzunen nekazaritza bultzatzeko eta elikadura burujabetzarako bidean pausoak emateko sortu zen Lurbizi egitasmoa, 2016 urte inguruan. “Herritar talde batek denbora zeraman herrian nekazaritzaren eta lehen sektorearen egoera kaxkarraz hausnartzen”, adierazi du Ibon... [+]


Eguneraketa berriak daude