Eguneroko dosi txikia 2018rako
aurre egingo dieten hedabide independenteak
Oraindik urrun ikusiko dute askok urte berria. Astea luze egiten ari zaionak oraindik eta urrunago, ziur. Izango da iragan urte zaharra 2018a baino gertuago ikusten duenik ere! “Oraintxe geunden-eta urtarrilean!” esango du bateren batek. Baina hamar hilabete azkar pasa badira, pentsa bi zein abiaduratan igaroko zaizkigun. Nik saltoki handiren bateko erakusleihoren bat ikusi dut dagoeneko Gabonetako apaindurekin. Pentsa!
2018a gainean dugu, eta ARGIAk urte berrirako prestatu nahi zaitu, urtero bezala. Aurten ez dugu urtekaririk izango urtarrilean, baina ARGIA aspalditik ezagutzen dutenei segur naiz jada bururatuko zitzaiela zertaz ari garen. Noski, klasiko bat: ARGIAren egutegia. Zein Argiazalek ez du oroitzen Durangoko Azokako ARGIAren mahaia egutegiz josita? Aurten ere ez dugu hutsik egin, eta dagoeneko salgai dago ARGIAren webguneko dendan.
Egutegia ezagutzen duzuenoi alferrik azalduko dizuet berezitasuna, zenbaki bakoitzaren atzealdean jarri ohi dugun asmakizun, kontakizun, aipu edo bitxikeriaren kontua. Baina agian interesatuko zaizue aurten orrialde bakoitzean zein gai aurkitu ahal izango dituzun jakitea. 2018ko takoa egiteko, aurten kazetari eta kolaboratzaile bat baino gehiago aritu gara lanean. Zergatik? Bakoitzak bere gustuko atala landuz edukiari aniztasuna eman nahi izan zaiolako. Gainera, Argiazale batek baino gehiagok adierazi digu, dosi txikietan bada ere eduki interesgarria jaso nahi dutela gure egutegian. Horrela, bada, batzuk umoretik, beste batzuk jolasetik, serioagoak hurrenak, baina baratzea, hizkuntza gutxituak, kirola, feminismoa, hezkuntza edo ingurumena bezalako gaiak aurkituko dituzu, besteak beste, eta astekariko Denboraren Makina edo Beranduegi ataletatik aukeratutako hainbat pasarte ere bai. Horrekin batera, Euskal Herriaren historiako hainbat pegatina jarri ditugu erakusgai, sare sozialetan arrantzatutako ipuin-laburrak... Eta dena kontatuko ez dizuedanez, gozatu sorpresaz eguneroko dosi txikia.
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori, lurrari... [+]
Zuzeneko musika gustatuz gero, ziur azken hamarkadan Eider Iturriagak egindako argazkiren bat ikusi duzula. Bere bi grinak uztartu ditu bermeotarrak: musika eta argazkilaritza. Eszenatoki batean hain azkar pasatzen den une hori harrapatzeko abilezia du, ikuslearen begietan... [+]
Abuztua heldu zaigu, irakurle. Oporretan zaude eta zuretzako denbora gehiago daukazu? Edo agian ez daukazu denborarik, oporrak planez bete dituzulako? Edozein modutan, kontuz! Egungo bizimoduaren psikologizazioak edonon sailkatzen ditu sindrome berriak, eta oporraldiak ez daude... [+]
Euskararen biziberritzeari buruz asko hitz egiten ari azken urteetan eta horren inguruan ari da lanean Euskaltzaindiko talde bat. Talde horretan dago Jon Sarasua ere eta galdetu diogu zeregina zertan den. Galdetu diogu, halaber, udaberrian idatzi zuen Puprilusoko artikulu... [+]
Hedabideen artean erakunde publikoek urtero publizitatearen bidez banatzen duten diru-zakua milioika eurotan zenbatu daiteke. Baina sistema garden eta justu baten faltan, medio batzuk argi eta garbi irabazten irteten dira banaketa horretan, eta Eusko Jaurlaritzaren... [+]
Euskal Herrian auzo borrokalaririk bada, hori Txantrea da zalantzarik gabe. Herritarrek euren eskuz eraikia (literalki), auzoa defendatzen ikasi dute kalez kale, izan poliziarengandik, izan agintarien utzikeriatik, izan ugazaben diru-gosetik. Baina auzoa hori baino gehiago da,... [+]
Kontatzen ez dena ez da existitzen. Oso barneratuta daukagu lelo hori, baita informazioa boterea dela eta eragiteko gaitasun handia duela ere. Are gehiago gerra edo gatazketan, batik bat oraindik tresna digitalak asko garatu gabe zeudenean, informazioa ez baitzegoen hain eskura... [+]
Ezagutu dezakezu Euskal Herria gure txoko eder eta famatuenak bisitatuta, Instagramerako edo postal baterako argazkiak aterata zure buruari, kostaldeko paisaietan edo monumentu bisitatuenetan irri eginez. Baina ez duzu Euskal Herria guztiz ezagutuko. Horretarako, hobe zenuke... [+]
Munduko hainbat txoko zeharkartzen dituzten ibaiek, bizirik dauden heinean, euren begirada propioa dute mundua bera ikusteko. Gizakiaren garapenaren testigu isilak dira: hirigintza, gerra, kutsadura, uholdeak... dituzte ikusmiran, baita euren bazterretan etengabe ernetzen diren... [+]
