Zorionekoak irakurleok
Euskal komikigintzan mugarri izan ziren 1980ko hamarkadan Erein argitaletxeak plazaraturiko hainbat lan, tartean Fructuoso eta Harrieten artean eginiko Justin Hiriart bildumako hiru tomoak: Itsas gorritan (1983), Izotzetako tranpa (1989) eta Sekretoa (1989). Orain, hiru hamarkada geroago, serie horren edizio osoa plazaratu da; aurreko hiru lan horiez gain beste bi gehiago sartuz: Brulota eta Satanen itsasontzia. Eta eskertzekoa da edizio hau, ez bakarrik lan haiek berriro irakurtzeko aukera eskaintzen digulako, baita bilduma osoa liburu batean argitaratzeagatik ere, irakurleen gozamenerako.
Justin Hiriart protagonista nagusiaren izena dugu, XVII. mende hasieran euskal baleontzi bateko kapitaina. Eta liburuko orrietan irakurleak kapitainaren eta haren lagunen abenturak ezagutuko ditu erritmo gero eta biziagorekin. Inuitak, Mic-Mac indioak, Europako herrialdeen arteko eztabaidak eta borrokak Ameriketan… eta horiez gain gizakion artekoak, indarkeria, maltzurkeria edo, baita, adiskidetasuna, laguntza eta maitasuna ere ageri dira liburu honetan.
Abenturazko liburua dugu komiki lan hau. Literaturan klasikoak izan diren hainbat eta hainbat lanen ondorioa (guztiz interesgarria sinatu gabeko hitzaurrean egiten den azterketa). Eta alde horretatik irakurlea entretenitu eta gozatzeko prestatzen duen lana. Muro Harrietek euskal baleazaleen istorioetatik edan du gidoia egiteko; Ternuako indioekin euskal arrantzaleek izaniko harreman ezaguna eta inuitekin izandako borrokak ageri dira hemen; baita Frantziako ontziekin eta agintariekin izanikoak ere.
Baina abenturaz gain liburuan naturarekiko kezka ere ageri zaigu, gehiegizko kontsumoaren kontrako jokaera Justinen aldetik; naturaren aldeko apustua indioekin geratu nahi duenean…: “Arrazoia huen esaten huenean han ezin dela Mic-Mactarren bizimoduan bizi; hemen bai, ordea, horregatik geratu nahi diat!”.
Egileek komikiaren bizitasuna ederki erabiltzen dute istorioa narratzeko. Hitz gutxi, elkarrizketa eta deskribapen bakan batzuk, eta horien ondoan irudien indarra. Justin eta Martinen artean arestian aipaturiko elkarrizketaren ondorengo bereizketan esaterako: Justin lehorrean urruntzen ari den itsasontziari begira, ondoren aingura altxatzen eta behean bi irudi, bata lehorrekoa eta bestea itsasokoa; bakoitzaren baitan beste bi irudi lagun biena elkarri begira, osorik bata, aurpegiarena bestea. Irakurleak ez du hitzik behar, irudiak berak irudikatzen baitu bi lagunen buruetan dabilena.
Txalogarria beraz Erein etxeak eginiko apustua, eta zorionekoak abenturak, komikiak, istorioak eta literatura maite ditugunok: urte askotarako liburu ederra baitugu hau.
Muro Harriet
Ilustratzailea: Francisco Fructuoso
Erein, 2015
246 orrialde
Hernaniko San Joan jaietan magrebtarren kontrako eraso gehiagoren berri eman dute Hernaniko Txosna Batzordeak eta Amher SOS Arrazakeriak. Salatu dute herrian asteak daramatzatela "jarrera, gezur eta ekintza antolatu arrazistak" bizitzen, eta ohartarazi dute: "Hau... [+]
Donostia, 1960. Fermin Leizaola 16 urteko gazteak San Telmo Museoan zegoen Aranzadi Zientzia Elkarteko idazkaritzara jo zuen, bertako Espeleologia Sailean aritzeko prest.
Ez zen San Telmora egiten zuen lehen bisita izan; 1975eko ekainean Zeruko Argia-rekin... [+]
Maribi Ugarteburuk, EHNE Bizkaiaren enkarguz, herrialdeko hamar emakume baserritarren bizi historiak batu ditu Erein, Borrokatu, Bizi liburuan. Azken mende erdian Hego Euskal Herrian nekazaritzan eta abeltzaintzan izandako gertaerak bizi izan dituzten emakumeak dira protagonista.
Zuzendaritzak aurkeztutako Enplegu-erregulazioko espedientea (EEE) atzera bota eta "irtenbide bat bilatzeko negoziaketak hasteko helburuz", Agurain eta Legasako ArcelorMittal enpresako langileek greba mugagabeari ekingo diote.
Argitaratutako oharrean, EHGAM Euskal Herriko Sexu Askapen Mugimenduak ohartarazi du "faxismoa eta ideia faxistak" zabaltzen ari direla mundu mailan, eta "erresistitzeko prest" daudela: "Beldurra baino askoz handiagoa da sentitzen dugun amorrua".
María del Cielo Galindo Puyalek EHUn Master Amaierako Lana aurkeztu du ostegunean, ekainaren 26an. Galindok kitxuaz hitz egin du epaimahaiaren aurrean, Boliviako emakume indigena meatzarien parte-hartze politikoaz. Lana kitxuaz eta gaztelaniaz idatzi du, eta bere anaiak... [+]
Beethovenen 'Missa Solemnis'
- Taldeak: Bilbao Orkestra Sinfonikoa (zuzendaria: Nuno Coelho), Bilbao Koral Elkartea (Enrique Azurza) eta Iruñeko Orfeoia (Igor Ijurra).
- Bakarlariak: Mira Alkhovik (sopranoa), Nerea Berraondo (mezzoa), Michael Porter (tenorea)... [+]
Aurrez, Plentziak, Alkizak eta Gernikak euskal errepublikaren parte izatea erabaki zuten. Baztanekin, dagoeneko Euskal Herriko lau herriek hartu dute erabakia.
Artxibo biluzia
Nor: Intza Alkain eta Javi Barandiaran (Metrokoadroka).
Non: Lemoako Kotxepin aretoan.
Noiz: ekainaren 2an.
-------------------------------------------------------
Lemoan independentzia eguna ospatzen ari dira. Kotxepin kultur etxearen alboan,... [+]
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Bretainiako adierazpide musikal zein literarioen sustatzaile eta banatzaile nagusia izan da Breizh kooperatiba. Ia zazpi hamarkadetako ibilbidean ehunka egile bretainiarren lanak editatu eta ekoitzi ditu, horietako hainbat bretoieraz.
Maider Behotegi Euskararen Erakunde Publikoaren (EEP) lehendakariak inbertsio handitze guztiak berri onak direla adierazi zuen iaz. Hala ere, erakunde bakoitzak gutxienez 300.000 euro gehiago ipintzea "beharrezkoa" dela nabarmendu zuen, helburua 2050ean hiztun kopurua... [+]
Tramite burokratikoetan murgilduta dago Ed Rojas. Kolonbian jaio eta bizi, 2022an Ikasketa Feministak eta Generokoak Masterra egin zuen EHUn. Baina titulua amaitu eta hiru urtera, ez du lortu bere izenean jasotzea. Arrazoia? 2022an ez-bitar markagailua jarri zuen bere... [+]
2009tik 2023ra izandako iktus intzidentziak jaso ditu Nafarroako Osasun Publikoko eta Lan Osasuneko Institutuak. Iktusa izan duten nafarren %84k arrisku faktoreren bat zuen.
1978ko sanferminetan gertatutako Poliziaren kargak argitzea, horiei buruzko dokumentuak desklasifikatzea eta gertakarietan hildako German Rodriguez biktima gisa aitortzea eskatzen diote Espainiako Gobernuari Kongresuak onarturiko dokumentuaren bidez.