Azaroaren 12an arratsaldez gure erredakzioak ez-ohiko itxura hartu zuen. Lasarte-Oriako pabiloian kolaboratzaile, lagun eta ARGIAko kide ugarik aurkezpen-festa txiki batekin ospatu genuen astekari eraberritua jadanik kalean dela. Urtebetez eraberritze prozesuan murgilduta aritu gara ARGIAn: proiektu jasangarri, parekide eta parte-hartzailean sakondu dugu, etxe barrutik hasita. Osteguneko aurkezpen ekitaldian bertaratutakoekin aldaketaren gakoak aztertu genituen eta ARGIAren egoitza ez ezik, guretzako funtsezkoak diren Ametzagaiña Taldeko beste enpresen instalazioak ere bisitatu genituen: Antzan astekariko orrialdeak nola inprimatzen diren ikusi genuen; komunikazio eta teknologia berriak uztartzen dituen Iametza enpresak eskaintzen dituen zerbitzuak ezagutu genituen; eta euskal prentsan hainbat jauzi ematerakoan Adur informatika enpresak bermatutako baliabideak klabeak izan zirela gogoratu genuen.