Poparen eta rockaren arteko mugan
aurre egingo dieten hedabide independenteak
Ostegunetan Euskal Herriko taldeen kontzertuak jarrita, ez da jakiten inoiz jendea Kutxitik ateratzea lortuko duen taldeak, ala merezi baino jende gutxiagoren aurrean jo beharko duten. Kasu honetan, mugitu gintuen Izaki Gardenak-ek; etxean jotzen ari ziren seinale.
Kontzertua Aurri Gara laneko lehen bi kantuekin hasi zen, eta horrek disko osoa segidan entzungo genuela pentsatzera eraman bagintuen ere, hirugarrenerako Amaieratik hasi lanetik tiraka hasi zen Jon Basaguren eta koadrila. Eta hemen hasi ginen nabaritzen aurreko bien eta aurkezten ari ziren lanaren arteko aldea.
Poparen eta rockaren arteko muga lauso horretan dago Izaki Gardenak-en soinua, eta americana etiketa zabala ere jarri izan zaio maiz. Bada, kaleratu berri duten Aurri Gara honetan poperantz gehixeago lerratzen dira kantuak. Eta nago horretan gitarra-jotzaile aldaketak eragin duela: Joseba Baleztena, lehengo gitarra-jotzailearen estiloa rockeroagoa zen; oraingo Eneko Lezaren gitarra konponketak soilagoak dira, ez dira hainbeste nabarmentzen.
Kontzertuak aurrera egin ahala, disko guztietako kantuak joan ziren agertzen. Itsasargiakeko bakarra jo zuten, Ni naiz izenekoa, americana kutsu nabarmena duen kantua, eta publikoak taldearekin batera kantatu zuena. Jo ohi duten kanturik rockeroena, berriz, Hala Bedi Irratiaren 30. urteurreneko bildumarako egin zuten Ruper Ordorikaren Ene begiek kantuaren bertsioa, bakarka jo zuen Basagurenek, ahotsarekin erakustaldia emanda. Bueno, ahots erakustaldia kontzertu osoan zehar egin zuen eta emanaldi guztietan egiten du Basagurenek; izan ere, badu eta horretarako gairik.
Egia da, baina, taldearen hasierako kontzertuetan baino gutxiago “erakusten” duela, orain neurtuago dabilela. Diskoaren aurkezpenean hala esan zuen: “Zerbait erakusten aritu beharrean, zerbait on egin nahi nuen”. Eta ondo dabiltzala, besteak beste, Piztiek somatu gaituzte kantuan nabaritu genuen, Jonen ahotsa Eneko Leza eta Libe Garcia de Cortazar teklatu jotzailearenarekin batu zirenean. Ze estribillo dotorea! Dudarik gabe, diskoko eta kontzertuko kanturik borobilena.
Ordubete inguru zeramatela, azken kantua iragarri zuten, eta Horma eta haizea kantua jotzeari ekin. Tom Petty! egin nion aldamenekoari; eta berak baietz, bazuela kutsua. Aurri Garako kanturik gitarreroena jo, Jimmy Jazzeko kamerinoetara sartu-atera egin, eta Nora ezean kantuarekin agurtu gintuzten.
Amaitu berritan, beste pare bat kantu gustura entzungo genituen sentsazioarekin, salmahaira gerturatu eta diskoa eskutan, buelta kalera. Ondorengo egunetan, diskoa entzunda, zuzenekoan baino soinu rockeroagoa duela iruditu zait, eta ez da batere ohikoa. Agian, bigarren aurkezpen kontzertua izaki, gehiegi eutsi zioten… Beste kontzerturen batera zoaztenok, esango duzue.
Gasteizko jimmy jazz aretoa, azaroak 12
Hurrengo kontzertuak:
Azaroaren 20an: Jai-Zale taberna (Arrasate)
Azaroaren 27an: Victoria Eugenia Club (Donostia)
Jaurlaritzak lizitaziora atera zuen proiektua, “lan teknikoegia” delako. Ia 80.000 euro jasoko ditu Estudio Jurídico Gabeiras y Asociados SLP enpresa madrildarrak, “egoeraren diagnostikoa” eta legearen hasierako proiektua egiteko. Enpresa horren... [+]
Irungo Alarde Parekidean sortu berri den Meaka konpainiako kapitaina da Nagore Olaskoaga. Alarde Tradizionala vs. Parekidea, “kopuruak direnak dira, baina oso pozik gaude gazte askok eta askok hartzen dutelako parte Alarde Parekidean, eta beraiek dira gure herriaren oraina... [+]
Ehunka lagun mobilizatu dira berriz Gasteizen, txosnetan GKSren eta Etxebizitza Sindikatu Sozialistaren aurka mantentzen duten betoa dela-eta, irtenbide bat aldarrikatzeko.
O plazan garatuko dute egitaraua. Bazkariak, bertso saioa, txikientzako antzerkia, pilota txapelketa, herri olinpiadak eta elektrotxarangak izango dira, besteak beste.
Azkoitian egindako aurtengo lehenengo batzar nagusian batu dira UEMAra ondoko bost herri hauek: Donamaria, Ibarrangelu, Mundaka, Mutiloa eta Ormaiztegi.
Joan den asteko asteazkenetik ostegunera bitarteko gauean istiluak izan ziren Martzillan (Nafarroa), eta hainbat bizilagunek harriak eta aulkiak jaurti zizkieten zentroan zeuden etorkin adingabeei. Bizilagunak kalera irten ziren igandean, "herri seguru bat defendatzeko"... [+]
Joan den astean iragarri zuen BSH enpresak Eskirotzeko lantegia itxiko zuela langile batzordeak, Espainiako Industria Ministerioak eta Nafarroako Gobernuak eginiko eskaerei jaramonik egin gabe. Asteartean egingo dute Enplegu Erregulazioko Espedientearen negoziatzeko lehen... [+]
Neurriak orain arte, A etiketadun eta etiketarik gabekoei eragiten zien.
Ekainaren 14 eta 15ean ibaipeko subflubialaren proiektuaren aurkako kanpaldia egin zuten 200 lagun inguruk Subflubiala Ez! plataformak antolatuta.
Israelek ostiralean Irani eraso egin ostean, azken horretako lider nagusi Ali Khameneik "mendekua" iragarri zuen. Israelen erasoek dagoeneko 224 lagun hil dituzte Iranen; 23, berriz, Iranek Israelen eginikoek, horietatik zortzi igandean. Irango Parlamentuan NPT Arma... [+]
Oporretan nago baina oraindik ez dut zutabea hasi. Oporretan nago baina nire gelak ez du igarri. Oporretan nago eta etxeko hautsa ez da mugitu. Oporretan nago eta topaguneko kanpin dendak lokatzez beteta jarraitzen du egongelan. Oporretan nago baina nire agenda ez da... [+]
Donostiako desazkunde turistikoaren aldeko BiziLagunEkin plataformak deituta, Europa hegoaldeko turistifikazioaren aurkako SET sarearekin koordinatu dute ekimena.
Mingainari kosk txikia eginda joan ginen oporretan Kanarietako Lanzarote irlara. Maiatzaren erdian, turista asko-askorik topatuko ez genuela jakinda, prezio guztiak ere merkeago, eta hara eta hona mugitzeko lasaitasun gehiago. Espero bezalaxe izan zen. “Esperientzia”... [+]
