Seguru monogamoak garela?
Sex at Dawn: The Prehistoric Origins of Modern Sexuality
Christopher Ryan,
Cacilda Jethá
Harper, 2010
Christopher Ryan (AEB) eta Cacilda Jethá (Mozambike) liburuaren egileek gaur egun gizakiaren sexualitateaz nagusi den diskurtsoa hankaz gora botatzen dute. Haien ustez, mendez mende, agintari erlijiosoek sexualitatearen jatorria eta izaera isildu dute, medikuek patologizatu, zientzialariek nahita bazter utzi, eta terapeuta moralizatzaileek lurperatu.
Ezkontza tradizionala, monogamia, familia nuklearra eta maitasuna-sexua lotura erdigunean egotea zalantzan jartzen dute. Haien ustez, ukaezina da gizakiak sexu grina duela, eta aldiz, gaur egun erotismoari gerra deklaratu diogula diote, biologiari eta milioika urtetako grinaren eboluzioari muzin eginez.
Haien teoria defendatzeko gaur egungo giza talde batzuen ereduak azaltzen dituzte, baita hainbat primateren sexu portaerak ere. Gaur gaurko gaiez ari dira, eta umore ederrez gainera.
Ryan eta Jethá-ren liburuak Sex at Dawn: The Prehistoric Origins of Modern Sexuality du izenburu. Gaztelaniaz aurki daiteke: En el principio era el sexo. Los orígenes de la sexualidad moderna. Cómo nos emparejamos y por qué nos separamos (Paidós transiciones, 2012). Ez dute frantsesera itzuli, ezta euskarara ere, noski.
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]