Kutxabank

"Banku-txarra" erdi-prezioan salgai

  • 1.500 milioi euro balio duen Neinor Barria 800 milioitan saldu nahi dio Kutxabankek inbertsio funts bati. Cajasurrek adreiluan egindako zulo handiena biltzen du higiezinen agentziak.

Urko Apaolaza Avila @urkoapaolaza
2014ko abenduaren 07a
Mario Fernándezek sustatutako Cajasurren erosketak sortu du Kutxabanken zulo handiena.
Mario Fernándezek sustatutako Cajasurren erosketak sortu du Kutxabanken zulo handiena.

Huts egindako operazio urbanistikoetan inbertitutako diruak Neinor Barria higiezinen agentzian (“banku txarra” ere deitua) dauzka bilduta Kutxabankek. 1.500 milioi euroko aktiboak direnak 800 milioi eurotan salduko lituzke orain, eta Expansión egunkariaren arabera, akordioa kasik itxita dago Lone Star inbertsio funtsarekin.

Kutxabank aspaldi dabil funtsen kudeaketaren negozioan sartuta eta eperako gordailuak dituzten bezeroei horietan inbertitzeko aukera ematen die. Honakoa beste pauso bat litzateke inbertsio funtsekin harremana estutze aldera. Neinor Barriaren ondarean lurzoru ugari dago eta Lone Starrek Kutxabankekin batera “garatu” nahi lituzke horiek.

Higiezinen agentzian, adreiluaren negozioari lotutako Cajasurren aktibo toxikoak dira zati handiena (634 milioi euro). Mario Fernándezek bultzatu zuen Cajasur Kordobako kutxaren erosketa, 2010ean BBK-ko presidente zela, entitatea Espainiako finantza merkatuko “aktore nagusietakoa” bihurtzeko ametsarekin. Orain, sekulako pagotxa zena erdi-prezioan salduko du Kutxabankek, bidean ehunka milioi euro utzita.

Mario Fernándezen dimisioa eta pribatizazioa

Espainiako Bankuak aurki esango du BBK, Kutxa eta Vital banku fundazioak Kutxabanken akzionista bakarra diren ala hiru diren. Lehenengo kasuan, 700 milioi euroko erreserba funtsa beharko lukete bankuaren %50etik gorako kontrola mantendu nahi izanez gero, bigarren kasuan 300 milioi eurokoa litzateke. Dirudienez, banku zentralak bigarrengo aukeraren alde egingo luke, eta horrenbestez, dirua lortzeko Kutxabanken kapital pribatua sartzea defendatzen dutenen argudioak indarra galduko luke.

Hori izan ei da Mario Fernándezek Kutxabankeko presidente bezala dimititzeko arrazoietako bat. Hedabide nagusietan ere bankuaren pribatizazioaz EAJrekiko zituen iritzi desberdinak haizatu dituzte. Eragile sozial eta sindikatuen ustez, aldiz, desadostasuna tempoetan baino ez dago, hauteskundeak gertu baitira.

Aldiz, oharkabean igaro dira Neinor Barriaren inguruko negoziazioen berriak, “diskrezioa” nagusitu da gai horretan. Argitzeke dago salmenta horrek erlaziorik duen bankuak erreserba funtsa sortzeko duen kapital beharrarekin eta Fernándezen dimisioarekin.

100 milio euro gehiegizko klausulek kaltetutako herritarrei

Hipoteka maileguen erreferentzia indizea (HMEI) aplikatzeagatik, Kutxabankek 100 milioi euro itzuli behar dizkie kaltetuei, HMEI Stop Gipuzkoa plataformak egindako kalkuluen arabera. Indize hori 2013an desagertu zen, baina entitateak bere mailegatuei aplikatzen die oraindik.

30 demanda judizial bateratu jaso ditu Kutxabankek azaroan HMEI dela eta. Hirian.com-ek jaso duenez, HMEI Stop Gipuzkoak kalkulagailu bat sortu du, mailegatuek jakin dezaten bankuak zenbat diru itzuli beharko lieken. “Guztira 100 milioi euro bueltatu beharko lituzke Kutxabankek, familiako 10.000-15.000 euro artean”, azaldu du plataformak.

Presidente berriarekin negoziatzeko prest

Diru kantitate hori itzultzeak Kutxabankentzat izan ditzakeen ondorioak kontuan hartuta, Gregorio Villalabeitia presidente berriari “eskua luzatzeko prest” dago HMEI Stop Gipuzkoa, negoziazioari begira.

Baldintza batzuk eskatzen ditu horretarako, Xabier Iturbe Kutxako presidentearen dimisioa eta HMEIren ondorioz kaleratutako pertsonei etxea itzultzea, besteak beste.
 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
2018-09-26 | ARGIA
Zazpi gazteren atxilotze eta espetxeratzea "legez kontrakoa" izan zela ebatzi du Konstituzionalak

2015ean atxilotu zituen Ertzaintzak Segikoak izatea leporatuta Espainiako Auzitegi Nazionalak epaitutako zazpi lagun, horietatik hiru Gasteizen egindako “herri harresian”. Defentsak Auzitegi Gorenean jarrita zuen helegitea aintzat hartu eta gazteak kartzelaratzeko agindua baliogabea eta “legearen eta Eskubidearen kontrakoa” dela esan du orain Konstituzio Auzitegiak.


2018-09-26 | ARGIA
Bizi guztiko espetxealdi berrikusgarria ezarri diote Gasteizen haur bat leihotik bota eta hil zuen gizonari

2016ko urtarrilaren 25ean hil zuen gizonak Alicia, 17 hilabeteko haurra. Ostean honen ama hiltzen saiatu zen.


2018-09-26 | Amaia Lekunberri
Francia Márquez: "Gerra garaian indarkeria jasan genuen, eta bake garaian ere indarkeria jasaten jarraitzen dugu"

REAS Euskadi, Paz con Dignidad – OMAL eta EHUko Parte Hartuz ikerketa taldeak antolatutako Trantsiziozko Alternatibak Herri-Ekonomi Baterantz nazioarteko ikastaroa martxan da. Ikastaro horren baitan etorri da gurera Francia Elena Márquez Mina lider afrokolonbiarra, ekintzailea, giza eskubideen defendatzailea eta 2018ko Goldman Ingurumen Sariaren irabazlea.


Grande-Marlaskak dio Irunen ez daudela berehalako kanporatzeak, "berrartzeak" baizik

Egunean pertsona bat baino gehiago kanporatzen dute berehala, hori da aurtengo bataz bestekoa Garak emandako datuen arabera eta gehiago egon daitezke.


2018-09-26 | Nahia Ibarzabal
Euskal Herriko Eskubide Sozialen Kartak bat egindu pentsio duinen aldeko mobilizazioarekin

Pentsio duinen aldeko mobilizazioa egingo dute urriaren 1ean Bilbon eta Euskal Herriko Eskubide Sozialen Kartak bat egingo duela iragarri du, asteazkenean egin duten agerraldian.


2018-09-26 | Nahia Ibarzabal
Monsantok sortutako glifosato entzimaren ondorioz milaka milioi erle hil dira

AEBetako Texaseko Unibertsitatean egindako ikerketa baten emaitzek erakutsi dute, glifosatoak murriztu egiten dituela erleen hesteetako bakteria osasuntsuak.


2018-09-26 | Martta Irigoien
Mitxoletak nahi ditugu

Azken egun hauetan, frantses berrietan, polemika sortu duen afera Nicolas Hulot, trantsizio ekologistaren ministro ohiaren dimititzea izan da. Honek, Frantziako Gobernuan enpresa handiek (lobbyek) duten lekua eta boterea salatu nahian joan da.


2018-09-26 | Zebrabidea
Garabide
"Munduko hizkuntza gehienak gutxiagotuak dira eta hor potentzial handia dugu"

“Hizkuntza biziberritzeko estrategiak Aditu ikastaroa” jarri du martxan astelehenean Garabide elkarteak.


Ayotzinapan hil zituzten 43 ikasleen alde elkarretaratzea egingo dute gaur Bilbon

Irailaren 26an 19:00tan bilduko dira Unamuno plazan, desagerpenen 4. urteurrena dela eta. Musika, olerkiak eta idatziekin gogoratuko dituzte desagertuak Ayotzinaparekin plataformak deitutako elkarretaratzean.


2018-09-26 | ARGIA
Emakume bat bortxatu dute Galdakaon

Galdakaoko jaietan emakume bat bortxatua izan zela jakinarazi du Galdakaoko Mugimendu feministak.


ASTEKARIA
Azkenak
EGILEA
Eguneraketa berriak daude