Perla apartak, hitz gutxitan

Aforismoak gustuko ditugunoi bazka polita eman digute hilabeteotan. Uda aurretik Karlos Linazasororen Alferrik ez balitz (Elkar, 2013) bilduma heldu zitzaigun eskuetara. Mila aforismo batu zituen egileak okasiorako, 2009-2013 artean onduak. Azken seiak nabarmendu ditu editoreak, liburuaren atzealdean. Esate baterako, “Izuz akabatzen nago: ideia propio bat izan dut”, edo “Hasieran Hitza zen. Gero, apaizek mundua hiztegiz bete zuten”. Neronek, aldiz, hasierakoak nahiago. Halaxe dio lehenak: “Batzuetan, aforismo bat idazteko nobela bat urratu behar da”.

Egunotan, berriz, Gerrari tiroka helarazi digu Joseba Berriotxoak. Gerraren aurkako serbiar aforismoak dira liburuan bildu direnak, Hasier Agirrek itzuliak. Horietarik asko, benetako bonbatzat hartu ditut nik –barka definiziorako irudimen eskasa–: “Serbia hilobiz beteta dago. Gu gara gizakiaren neurrira eginiko herri bakarra!”, “Herriak koartada ezin hobea dauka. Ez da inoiz agintariekin egon”, “Krimenaren katea bitan zatitu da. Erdi bat kartzelan dago, bestea parlamentuan”. “Ez iezadazue etsipena kendu! Daukadan guztia da”, “Egia da heroi batzuek gerra-krimenak egin dituztela, baina borrokaren beroan betiere”.

Arantzatxo bat utzi dit liburuak: zenbait esaldi ez ote diren euskara baldar xamarrean pasatu, edo erabat biribildu gabe. Itzulpenaren ajeak, beharbada. Bestela, bilduma bikaina da.


Azkenak
Netanyahuk ez dauka “gerra osteko” planik Gazarako

Yoav Gallant Israelgo Defentsa ministroak publikoki leporatu dio Netanyahuri “gerra” amaitzerako planik ez izateak Israel behartuko duela Gazan kontrol militar eta zibila inposatzera. Palestinako Aginte Nazionalaren egitekoari buruzko eztabaidak talkak sortu ditu... [+]


2024-05-17 | ARGIA
LGTBIfobiaren aurka egingo dute ostiral arratsaldez manifestazio ugaritan

LGTBIfobiaren aurkako eguna da maiatzaren 17an eta arratsaldez mobilizazio ugari izango dira Euskal Herrian barrena. Albistearen bukaeran ematen dizuegu horietako batzuen berri.


Eguneraketa berriak daude