Grial Santuetako bat lapurtu dute


Nagore Irazustabarrena Uranga @irazustabarrena
2014ko abuztuaren 03a
Uztaileko bigarren astean Nanteos Kopa lapurtu zuten Ingalaterran. Adituek XV. mendekoa dela diote eta, beraz, mirariak mirari, ez dirudi Jesusek azken afarian erabilitako kaliza denik.
Uztaileko bigarren astean Nanteos Kopa lapurtu zuten Ingalaterran. Adituek XV. mendekoa dela diote eta, beraz, mirariak mirari, ez dirudi Jesusek azken afarian erabilitako kaliza denik. Nathaniel Dance-Holland

Ingalaterra, 1533. Henrike VIII.a Anne Boleynekin ezkondu zen Eliza Katolikoaren baimenik gabe. Orduan, parlamentuak Aita Santuaren aginpidea deuseztatu zuen eta erregea buru zuen Eliza Anglikanoa sortu zen. Henrikek abadetxe katolikoen aurkako jazarpen kanpaina abiatu zuen, ahalezko erresistentzia gunetzat baitzituen.

1539an, Glastonburyko abadeak monasterioko ondasun preziatuena hartu eta hainbat fraiderekin batera ihes egin zuen, erregearen mandatariak iritsi baino lehen. Hasieran, Cardiganshireko Strata Florida abadetxeak eman zien babesa fraide iheslariei. Baina erregearen atzaparrak bertaraino luzatzear zeudela, berriro alde egin behar izan zuten. Galeseraino joan ziren eta Powell familiak Nanteos etxaldean eman zien aterpe fraideei eta zeramaten altxorrari. Altxor hura, berez, olibondo egurrez egindako edontzi zati bat baino ez zen. Kontua da Jesukristok azken afarian kopa horretatik edan omen zuela eta hura hil ondoren Arimateako Josek Britainiara eraman omen zuela. Grial Santua zela, alegia.

Nanteos Kopa –hala esaten zaio– izen bereko etxaldean geratu zen mendetan, eta erromesaldi gune bilakatu zen ia, egur puskak sendatzeko ahalmena omen duelako. Azken urteetan kopa Steadman sendiaren eskuetan egon da, banketxe bateko kutxa gotorrean gordeta. Baina berriki, ontziak sendatze jarduerari heldu dio berriro, eta uztaila hasiera arte gaixo dagoen emakume baten etxean egon da, Weston-under-Penyard herrian (Herefordshire, Ingalaterra). Itxuraz, kopak ez zuen emakumearen osasunean eraginik izan eta ospitalera eraman behar izan zuten. Emakumea, ez kopa.

Jabea kanpoan zela baliatuta, lapurrak emakumearen etxera sartu ziren uztailaren 7a eta 14a bitartean eta Nanteos Kopa ostu zuten. Orduz geroztik West Merciako poliziak, film epiko bateko protagonistak bailiran, Grial Santuaren bila dabiltza, ustezko Grial Santuaren bila, behintzat. Izan ere Nanteos Kopa aztertu duten adituek XV. mendean datatu dute pieza. Henrike VIII.aren jazarraldia baino mende bat lehenago, eta Jesus Nazaretekoak azkenekoz afaldu eta 1.400 urtera.

Erdi Arotik baxera zabala osatzeko moduko orotariko ontzi, kopa, plater, katilu eta azpilak izendatu dituzte Grial Santu: O Cebreiroko Grial Santua, Antokiako kaliza, Genoako Sacro Catino katilua, Ardagheko kaliza, Hawkstone Parkekoa... Eta baxeran pieza bat falta izanez gero, ziur berehala beste batek ordezkatuko duela. Urrutira joan gabe, joan den martxoan Margarita Torres eta Jose Miguel Ortega del Río historialariek benetako Grial Santua Doña Urracaren kaliza dela eta Leongo San Isidoro kolegiatan ikusgai dagoela jakinarazi ziguten.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
2018-12-17 | JJ Agirre
Euskal astoa bizirik! (Utikan Troiako astoak)

Astoa abere noblea izanagatik, gizakumeak gutxiesteko erabili ohi dugu. Astamandoak, astazakilak, astotzarrak… ez dira deitura gozoak, baina izan badira gure artean halakoak.Troiako astoak bezala. Ugazabek gure artera, euskaldunon etxera, bidalitako aleak izan ohi dira, bazterrak nahastu eta zangotraba egitera. Sarri, gure artean hazitako astoak hezi eta Troiako bilakarazten dituzte.


2018-12-17 | Hala Bedi
Orain Amurrioko zinegotzi baten familiaren autoetan eta etxebizitzan egin dituzte pintadak

Maria Jose Garcia Orain Amurrioko zinegotziaren (Podemos) eta bere senideen autoetan eta etxean egin zituzten pintadak ostiralean gauean, eta salaketa egin du udal taldeak. Amurrioko Udalak ere gaitzetsi ditu.


2018-12-17 | Hala Bedi
Zaballako espetxeraino iritsiko da larunbateko martxa

Egun, zortzi euskal preso politiko daude Zaballako espetxean: Altsasuko zazpi gazteak eta larriki gaixorik dagoen Txus Martin bizkaitarra. “Ez da Ezker Abertzalearen auzia, Euskal Herrian, bizikidetza eta bakea lortzeko, denok dugu ardura aurreko zikloa era integral batean ixteko”, adierazi du Kalera Kalera dinamikak.


2018-12-17 | I˝igo Igartua
Cabacas auziko epaiaren "injustizia" salatu dute Bilbon

Cabacas kasuko auziperatuen “inpunitatea hautsi” eta berriz horrelako gertakaririk ez izatea bermatu behar dela azpimarratu dute manifestariek. Justizia egiteko borrokan jarraituko dutela ere adierazi dute.


Migrazioaren aurkako kontrol eta politika arrazistak salatzeko kontzentrazioak Irunen eta Hendaian

Gaur egin dute migratzaileen eskubideen aldeko elkarretaratzea, biharko Migrantearen Nazioarteko Egunaren harira.


2018-12-17 | Uztarria
Apustu etxeen kontrako borrokak ez du etenik

Ez Azpeitian eta ez beste inon apustu etxerik nahi ez dutela aldarrikatu dute ostiralean (hilak 15) Balentina Agirre plazan dagoen apustu etxearen parean egindako elkarretaratzera bertaratu diren lagunek. Elkar-ekin taldeak deitu du kontzentrazioa, eta lan-eremu ezberdinetan aritzen diren Azpeitiko hamazazpi taldek bat egin dute kontzentrazioarekin. Horiek guztiek bat egin dute Elkar-ekinek plazaratutako adierazpenarekin.


Txema Auzmendi. Jesuita
"Niretzat, sufrikarioa zen Kubako askatasunik eza"

Duela zortzi urte Kubara joan ondoren, joan den ekainean itzuli zen Txema Auzmendi, "gaizki" sentitzen zelako hango sistemarekin. Uste du aldaketen beharrean dela Kuba. Euskal Herrian sumatu du aldaketarik; batik bat, Iparraldean, "kontzientzia" aldetik. Bideoa albistearen amaieran.


2018-12-17 | Topatu.eus
Eraginek apustu etxeen eta joko aretoen kontrako dinamika abiatu du, "Zer dago jokoan?" lelopean

“Izaera asanblearioa eta gazte perspektiba edukiko duen dinamika honen helburua, ludopatia eta beharrizanak aprobetxatuz gazteria galbidera eramaten duten enpresa hauei aurre egitea da”, azaldu dute Bilboko gazte prekarioen asanbladako kidek.


2018-12-17 | Arabako Alea
Talka espazio feminista sortu dute, "sisteman arrakala sortzeko"

Gasteizko Alava-Velasco jauregia okupatu dute, "lapurtu dietena eskuratzeko asmoz".


2018-12-17 | Ahotsa.info
Joseba Iturbide lesakarra epaituko dute torturapean lortutako adierazpen batzuk froga bezala erabilita

'Hamar urte, ehunka kilometrora, bihotzetik gertu' herri ekimenak Lesakako herriko plazan egin zuen agerraldia epaiketa hau salatzeko. 8 urteko espetxe zigorra eskatzen du fiskaltzak, Madrilen datorren astean hasiko den epaiketan. Mattin Sarasolak torturapean egindako adierazpenak erabiliko dituzte Iturbideren aurka. Donostiako Epaitegiak eta Estrasburgoko Giza Eskubideen Epaitegiak Igor Portu eta Mattin Sarasola torturatuak izan zirela ebatzi zuten.


ASTEKARIA
Azkenak
EGILEA
Eguneraketa berriak daude