Basamortuko doinuak

  • VOLTAIA ::Voltaia

    Autoekoizpena, 2014

Voltaia taldea Zumaiakoa (Gipuzkoa) da. Aurten sortu da, eta jadanik bere lehen diskoa kalean dauka. Unai Eizagirre (baxua eta ahotsa), Jon Duran (bateria) eta Ion Brakamonte (gitarra) dira taldekideak, eta aurretik Itaka eta Got Ham taldeetan jotzen zuten. Voltaiaren lehen lanera zazpi kantu bildu dituzte, eta taldekideak beraiek grabazioaz, ekoizpenaz eta diskoa kaleratzeaz arduratu dira.

Taldearen izenaren beraren harira, volt maila handiko, tentsio handiko musika egiten dute, ozen entzuteko aproposa. Metal, stoner, rock eta punk aireak suma daitezke haien kantuetan. Basamortuko doinuak dira, basatiak, astunak, azkarrak, indartsuak eta bortitzak.

Hitzetan, izurrite baten moduan, haien samina eta haserrea zabaltzen dute. Ahoan bilorik gabe, zuzen eta gupidarik gabe. Han eta hemen, haien herrian bertan eta munduan ikusten duten itxurakeria, bidegabekeria eta beste oker batzuen gainean hitz egiten dute: “Hesi bat gaindituz, ia odolustuz sailkatzen dituzte, paper ziztrin bat ez baldin badute; ez zara ezer” (Urrun). “Itsuen herrian okerrak errege dira; izurritea bezela zabaltzen dugu indarra, samina ta iraina, hau da gure voltaia” (Gure voltaia). “Besteen kontuak bizkarrez herriko kaleetan, hitz egiten, gaizki esan artean; hagin zorrotzak, nortasunak biluzten dituzten bitartean” (Atarian).

“Ez dugu erregerik nahi hemen jendearen dirua alferrik gastatuz; barkuan udara ederki pasatzen du beste batzuek jatekoa dute murriztu; egoera hau aldatu beharko” (Erregerik ez). “Gaua kanpoan zero azpiko gradutan, gizon emakumeak arratoien antzera; lurpean oihartzunak, itxaropena besterik ez da” (Uda Berri). “Laino bat zeruan hiriaren erdigunean, motor zarata, naturaren iluntasuna; beltza dago etorkizuna” (Motordun Zaldun). “Eskubide guztiak mozten dizkigute boterearen guraiza zorrotzek; izaki trajedunen indiferentzia, herritar xumearen hondamendia” (Orratzak).

Voltaia taldearen doinuak ikaragarriak dira, beldurgarriak. Taldekideek grina eta kemen handiz jotzen dute. Zer egin nahi duten eta nola egin nahi duten badakite, eta oso ongi egiten dute. Ez dira doinu alaiak, lasaiak, jende orok entzuteko modukoak, baina stoner-punk doinuak maite dituztenek Voltaiaren diskoa gustura entzungo dute, ongi landua, grabatua eta ekoitzia baitago.


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude