Benito Lertxundi Kilometroen alde

Apirilaren 12an izango da Benito Lertxundik Kilometroen alde eskainiko duen kontzertua. Orioko Karela kiroldegian, 23:00etan.
Apirilaren 12an izango da Benito Lertxundik Kilometroen alde eskainiko duen kontzertua. Orioko Karela kiroldegian, 23:00etan.

Aurtengo Kilometroak Orion izango dela eta, herriko ikonorik handienetakoari heldu diote antolatzaileek, ikastolen festa hauspotzen hasteko. Apal mintzatu zaigu Benito Lertxundi, apirilaren 12ko emanaldiak zer berezitasun izango duen galdegin diogunean: “Ezer handirik ez, nire herrian izango dela, eta nire herriko jendearekin”.

Azken diskoak osatuko du nagusiki emanaldiko errepertorioa, eta lehengo abestiak ere tartekatuko dira, ezagunagoak, erroak utzi dituztenak. Gauzatxo bat, hala ere, estreinatuko omen du Orion, “beste kontzertuetan entzun ez dena, eranskintxo bat, baina ez herriari edo testuinguruari lotua”.

Aldiz, bestelako grina erakutsi digu kantariak, Kilometroak hizpide hartuta: “Ekitaldiek betidanik izan dute garrantzia. Ikastolak, hain zuzen, herri honen lorpenik iraultzaileena dira. Horren lekuko izan gara azken mende erdi honetan. Ez dakit gaur zenbateraino baloratzen den, baina gure erronka guztien ispilu dira. Sinbolismoagatik bakarrik, ezer ez ginateke izango, hori galtzen utziko bagenu”.


Azkenak
Hiri eredu bizigarri baten aldeko manifestazioa egin dute ehunka lagunek Donostian

Donostiako hainbat auzo elkarte eta gizarte mugimenduk osatzen duten Donostia Defendatuz koordinadorak antolatuta, hiri eredu bizigarri baten aldeko manifestazioa egin dute igandean ehunka lagunek. 42 talde sozial eta auzo elkartek egin dute bat deialdiarekin, eta 12:00etan... [+]


Gasteiz antzokia: arnasgunea arnasestuka

Aurreko mendeko azken hamarkadan, Bilboko Kafe Antzokiak lortu zuen erreferentzialtasunak kutsaturik, Gasteizen ere tankerako espazio bat sortzeko egitasmoa lantzen hasi ziren zenbait lagun. Ia 30 urte joan dira. Bide nekeza, gazi-gozoa eta gorabeheratsua izan da. Aurten,... [+]


Zahartzaroak

Zahartzearekin aldaketa fisiologiko, emozional eta psikologikoak gertatzea unibertsala bada ere, horiek lurreratzeko modu materialak, sozialak eta pertsonalak ez. Maiz zahartzaroa singularrean deklinatzen da baina elikadura, energia, ura, hezkuntza edo osasun zerbitzuetara... [+]


Eguneraketa berriak daude