The Arlotes

Kritika eta ziria helduentzat, marrazki bizidunen bidez

  • Tabernan zigarroak eta kalean kontainerrak erretzen ziren garaikoak dira The Arlotes euskarazko marrazki bizidunetako protagonistak. Umorez eta musikaz lagundurik, Ruben Sanchez eta Uraitz Soubies proiektuaren egileak elkartu zituen XX. mende amaierako Gasteiz hura ekarriko dute gogora. Hamar kapituluak Argiako Beranduegi saioan egongo dira ikusgai; lehenengoa aste honetan.

Axier Lopez @axierL
2013ko martxoaren 03a

Ruben Sanchez bertsolaria eta Uraitz Soubies musikari gasteiztarrak The Arlotes heldu zein gazteentzat egindako euskarazko marrazki bizidunen egileak dira. Gasteizko Kutxi kaleko ostegun famatuetako giroan, zurrut artean, sortu eta hogei bat urteren ostean gauzatu da proiektua. The Arlotes rock musika taldeko Harry, Bego, Iñi eta Goiz kideen bidez Gasteiz eta oro har, Euskal Herriko garai hura gaur egungo begietara ekarri dute.

Euskal Herriko komiki eta fanzine satirikoen tradizioari jarraiki, The Arlotes proiektuko egileak TMEO, Ostiela, Putz edota Sabinator bezalako lanen iturritik edanak direla nabari da. Baita nazioartean sona handia eskuratu duten The Simpsons edota Family Guy telesailetatik ere. Umorea, kritika, ziria eta musika baitira Arabako hiriburuan kokaleku duen atalkako marrazki bizidun hauen ardatzak.

Ordenagailuz animaturiko marrazkiez gain hezur-haragizko aktoreek antzeztutako eszenak ere tartekatu dituzte. Haien Twitter kontuan irakurri ahal izan dugunez, Txerra Bolinaga RIPeko bateria-jotzailea Enamorado de la muerte abestia jotzen azaldu zenekoa, tarteko.

Sanchezek adierazi digu marrazkiak maila teknikoan kalitate onekoak direla: “Halere, indar-guneak pertsonaien bitartez azaleratu nahi ditugun pasarte, kezka eta kontraesanetan daudela azpimarratuko nuke. Kaleko gai politiko eta sozialez diharduten marrazkiak, euskara gertukoaz eta gazte ikuspegitik eginda, jorratu gabeko esparrua dela”.

Musikak ere aparteko presentzia izango du. The Arlotes musika taldeak joko dituen abestiak Mexiko DF eta Gasteiz artean bizi den Soubies—Trikitixa Kontrairo eta La Mexikana Klandestina taldeetan aritutakoa— eta Sanchezek propio sortutakoak dira. Zentzu berean, eta egiletako bat bertsolaria izanik, bertsoaren munduari egindako keinuak ez dira urriak izango, lehendabiziko kapituluan Harryk Euskal Herriko bertsolari txapelketa irabazteko duen ametsak erakusten duen moduan.

Batetik, krisiak eta zenbait gauzetarako dagoen diru eskasiak eta bestetik, proiektua independentziaz burutu nahiak crowdfundingaren bidea hautatzera eraman ditu egileak, proiektuarekin aurrera egin ahal izateko. Azken urteotan gero eta ugariagoak dira Internet bidezko finantzazio kolektiboaren bitartez argia ikusten ari diren proiektuak. The Arlotes-ek inguruko lagun, saltoki eta zenbait komunikabideren laguntzaren bitartez eskuratu du beharrezko zuten 4.000 euroko babes ekonomikoa. Soubiesek esan digu proiektua ezagutarazteko bide eraginkorra dela: “Jendearengan sortu duen erantzun positiboak, segurtasuna eta animoak ere eman dizkigu”.

Argia ere proiektua diruz babestu dutenen artean dagoenez, seriea osatzen duten hamar atalak –zazpi eta hamar minutu artekoak– Beranduegi saioan eskainiko ditugu. Aste honetan hasi eta uztailaren amaieran sareratuko dute azken kapitulua. Atalek jasoko duten harrerak eta egileei geratuko zaizkien indarrek erabakiko dute uztailekoa proiektuaren amaiera izango den ala geldiunea.

Ikus The Arlotes-en lehen kapitulua:

The Arlotes taldeko protagonistak
Iñi

Gipuzkoarra. Lehen kolpean oso tipo gogorra dela ematen du baina lasaia da. Nahiko “normala”. Gaya da baina Harryk ez dio entenditzen. Bateria jotzen du.

Bego

Bizkaitarra da, hippy itxurakoa, eta arlotea den arren, taldeko intelektualena da. Gitarra jotzen du eta literaturan eta gai sozial eta politikoetan jantziago edo arduratuago dago.

Harry

Taldeko gasteiztarra, denetan arloteena eta bizitzaren aurrean heldu gabe dagoena. Taldeko abeslaria da, mami ona du baina findu gabea. Gurasoen etxean bizi da.

Goiz

Musika taldean lan egiten duen bakarra. Babak eltzetik ateratzen ohitua. Kastakoa. Jenioa soberan du. Pisuan bizi da Bego eta Iñirekin. Baxu-jotzailea.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: The Arlotes

The Arlotes kanaletik interesatuko zaizu...
2013-07-05
The Arlotes 10. atala - 40 minutu
MULTIMEDIA - erreportajea

10. atala eta, oraingoz, azkena. Bego atxilotu zuten eta taldekoek lehen bisita egingo diote espetxera, Murtziara: Miranda, Boceguillas, gau osoan bidaia... 40 minuturako!

Musika:
Fat Fish, "España huele a culo"
Georges Moustaky "Le marche de Sacco y Vanzetti"
KEN7, "Malen"


2013-06-20
The Arlotes 9. atala - Oso latza izan da
MULTIMEDIA - erreportajea

Bego guardia zibilak atxilotu du, inkomunikatu eta torturatuko dute egu horiek hainbat begitatik ikusiko ditugu: Bego, bere lagunak, hedabideak, poliziak, protestaldiak...

Musika:
Vomito, "Las fuerzas de seguridad"
NIna Simone, "Ain't Got No, I Got Life"
Hertzainak, "564"
EH Sukarra "Kasko gorriak"
Anje Duhalde "Irtenbiderik ez zen"
Su Ta Gar, "Gau Iluna amaitu da"


2013-06-07
The Arlotes - 8. atala - Heriotzaz maiteminduta
MULTIMEDIA - erreportajea

Harry eta Goiz tabernan daude, Iñi iristen denean, ohartzen da tabernan Txerra dagoela, R.I.P. taldeko bateriajole ohia. Hizketan hasi eta berehala elkarrekin entsaiatzera joango dira "Heriotzaz maiteminduta" ("Enamorado de la muerte") elkarrekin jotzeko.

Musika: Governors "Bertigo", The Arlotes "Heriotzaz maiteminduta" (R.I.P. "Enamorado de la muerte")


2013-05-24
The Arlotes - 7. atala - Mila gorri!
MULTIMEDIA - erreportajea

Harry eta Iñi "Baga" tb-n Berlingo harrotasun eguna ikusten ari direlarik, apostua egitea otu zaie: gustoko lagun batekin ligatzen saiatzea. Nork irabaziko ote du?

Musika:
Oskorri, "Intsumisioa"
Piperrak, "Gora Sartaguda"
Doctor Deseo, "Abrázame"
Manu Chao, "Me gustas tú"
Flaco Jiménes, Tapia eta Leturia "Maddalen"

Info gehiago: The Arlotes.net


2013-05-10
The Arlotes (6. atala) - Kontrolpean
MULTIMEDIA - erreportajea

The Arlotes beren lehen kontzertua ematera doaz Altsasuko gaztetxean. Iristea, ordea, ez da hain erraza izango.

Musika: Queen, "Bohemian rapsody" eta  La mexikana klandestina, "Mundu ederrenean"


2013-04-26
The Arlotes (5. atala) - Hormona femeninoak, hormona maskulinoak
MULTIMEDIA - erreportajea

BAGA telebistako "Legardagutxiko errotaria" telesaioa ezagutuko dugu, munduko luzeena... 40 urtetik gora emititzen!. Bestalde, Harryk Iñi gaya dela jakin duenetik, sexualitatea besterik ez du buruan, marraskiloek bezala denok baitauzkagu emea eta arra barruan... Harryk emeak, arra eta harra, hirurak dauzka, ordea!


2013-04-12
The Arlotes (4. atala) - Entenitzen?
MULTIMEDIA - erreportajea

Harryk amets arraroa egin du lokuluxkan; gero kalean dabilelarik, jendea ari du, eta gainera tabernan 'kokoteko' tipo itsaskor bat dago, Iñiren laguna... Zer behar du mutil heterosexual arrunt batek bere laguna gaya dela konturatzeko?

Informazio gehiago: TheArlotes.net


2013-04-04
The Arlotes (3. atala) - Eutsi!
MULTIMEDIA - erreportajea

Osteguna da eta Harry eta gainerako arloteek ikasle pisuan daukate festatxo bat eta ondoren parranda. Iñi eta Harryk ikusten dute Baga telebistan 'Iluna'-k eginiko 'goizegi' saioko erreportai bat, euskal gizakien ligatzeko ohituren gainekoa, eta Harry saiatuko da ligatzeko taktika berri batekin... 'eutsi!'.

Informazio gehiago: Thearlotes.net


2013-03-15
The Arlotes (2. atala) - Amanda
MULTIMEDIA - erreportajea

Taldekoak geratu dira 'The Arlotes' tabernan entsaioa egiteko, Goizek kontatzen die lanean oso puteatua dagoela, besteak beste enkargau nazkagarri bat duelako. Bestalde Harry iristen denean talde berri baten maketa bat darama entzuteko... Atal honetan Bakterius tabernaria ezagutuko dugu eta Txapas pertsonaje misteriotsua... Bukatzeko The Arlotes-en lehen kanta entzungo dugu, Victor Jararen kanta eder baten bertsioa: Amanda.

Informazio gehiago: www.thearlotes.net

Atal... [+]


2013-03-03
The Arlotes taldeko protagonistak
Iñi

Gipuzkoarra. Lehen kolpean oso tipo gogorra dela ematen du baina lasaia da. Nahiko “normala”. Gaya da baina Harryk ez dio entenditzen. Bateria jotzen du.

Bego

Bizkaitarra da, hippy itxurakoa, eta arlotea den arren, taldeko intelektualena da. Gitarra jotzen du eta literaturan eta gai sozial eta politikoetan jantziago edo arduratuago dago.

Harry

Taldeko gasteiztarra, denetan arloteena eta bizitzaren aurrean heldu gabe dagoena. Taldeko abeslaria da,... [+]


ASTEKARIA
Azkenak
EGILEA
Eguneraketa berriak daude